Илһам мәхмут: японлар хитай билән японийә оттурисида земин мәсилиси йоқ дәп қарайду

Японийә уйғур җәмийитиниң башлиқи илһам мәхмут бүгүн, японийә баш вәзири наотокан билән хитай баш министири вен җябав түнүгүн явропа - асия дөләт башлиқлири йиғинида учришип, 25 минут сөзләшкәндин кейин, японларда қандақ инкас пәйда болғанлиқини баян қилди.
Мухбиримиз вәли
2010-10-05
Share
Ilham-Mahmut-Yaponluqlar-gha-doklat-bermekte-305.jpg Сүрәт, илһам махмут әпәндиниң 11 - апрел өткүзүлгән "йапонийиниң өзини йоқатқан күнини қайта әсләш" намлиқ муһакимә йиғинида сөзләватқан көрүнүши.
Сүрәтни илһам махмут әпәнди тәминлигән.

Б б с ниң баян қилишичә, брюсселда өткүзүлүватқан явропа -асия дөләт башлиқлири йиғинида, түнүгүн кәчлик ғизадин кейин, японийә баш вәзири наотокан билән хитай баш министири вен җябав каридорда тасадипий учришип қелип, ян тәрәптики орундуқта олтурупла 25 минут сөзләшкән. Буниңдин бурун бу икки дөләт башлиқи, мушу йиғинда өз- ара көрүшмәйдиғанлиқини җакарлиған иди.

Кан билән венниң земин мәсилисидики пикри охшимисиму, лекин дөләт мунасивитини яхшилаш арзулири охшайдикән

Хәвәрдә ейтилишичә, бу икки дөләт башлиқи бу қетим учришип қалғанда, вен җябав 'дявйүдав араллири әзәлдин җуңгониң земини' дәп җакарлиған. Наотоканму 'сенкаку араллири японийиниң земини' дәп җакарлиған. Гәрчә земин мәсилисидә бу икки дөләт башлиқиниң пикри пәқәт охшимисиму, лекин һәр иккилисиниң хитай билән японийиниң дөләт мунасивитини яхшилаш вә ортақ мәнпәәтини қоғдаш арзулири охшайдикән.

Бөсүш характерлик өзгириш әмәс, әмма җиддийликни пәсәйтиш җәһәттә көрүнгән аламәт

Бүгүн дунядики һәр қайси учур вастилири, хитай учур вастилириму, вен җябав билән наотоканниң бу қетимқи учришиши, гәрчә хитай-японийә оттурисидики арал маҗирасини һәл қилиш җәһәттә йүз бәргән бөсүш характерлик өзгириш болмисиму, әмма, қандақла болмисун, җиддийликни пәсәйтиш җәһәттә көрүнгән бир хил аламәт қариди.

'Кан билән венниң учришиши тасадипий әһвал әмәс'

японийә уйғур җәмийитиниң башлиқи илһам мәхмут, японийә баш вәзири наотокан билән хитай баш министири вен җябав, түнүгүн кәчтә брюсселда учришип 25 минут сөзләшкәндин кейин, бу һәқтә японларда қандақ инкас пәйда болғанлиқини сөзләп бәрди. Илһам әпәндиниң баян қилишичә, наотокан билән вен җябавниң учришишини тасадипий әһвал әмәс дәп қарайдиған японлар көп.

'Вен японларни қаймуқтурмақчи'

Илһам әпәндиниң баян қилишичә, вен җябавниң икки дөләт мәнпәәтини қоғдаш муһим дегини пәқәт японларни қаймуқтуруп қоюп, бу җәрянда өзиниң тәйярлиқини пухта қиливелиштин ибарәт, дәп қарайдикән.

'японийә билән хитай оттурисида чегра мәсилиси йоқ'

Илһам әпәндиниң баян қилишичә, японийидә мутләқ көп санлиқ адәм японийә билән хитай оттурисида чегра мәсилиси йоқ дәп қарайду.

Кемә вәқәсидин кейин, японларниң хитайға болған көз қаришида наһайити чоң өзгириш болди

Илһам әпәндиниң баян қилишичә, японийә билән хитай оттурисида кемә вәқәси пәйда болғандин кейин, японларниң хитайға болған көз қаришида наһайити чоң өзгириш болған.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт