Ilham mexmut: yaponlar xitay bilen yaponiye otturisida zémin mesilisi yoq dep qaraydu

Süret, ilham maxmut ependining 11 - aprél ötküzülgen "yaponiyining özini yoqatqan künini qayta eslesh" namliq muhakime yighinida sözlewatqan körünüshi.

B b s ning bayan qilishiche, bryussélda ötküzülüwatqan yawropa -asiya dölet bashliqliri yighinida, tünügün kechlik ghizadin kéyin, yaponiye bash weziri na'otokan bilen xitay bash ministiri wén jyabaw karidorda tasadipiy uchriship qélip, yan tereptiki orunduqta olturupla 25 minut sözleshken. Buningdin burun bu ikki dölet bashliqi, mushu yighinda öz- ara körüshmeydighanliqini jakarlighan idi.

Kan bilen wénning zémin mesilisidiki pikri oxshimisimu, lékin dölet munasiwitini yaxshilash arzuliri oxshaydiken

Xewerde éytilishiche, bu ikki dölet bashliqi bu qétim uchriship qalghanda, wén jyabaw 'dyawyüdaw aralliri ezeldin junggoning zémini' dep jakarlighan. Na'otokanmu 'sénkaku aralliri yaponiyining zémini' dep jakarlighan. Gerche zémin mesiliside bu ikki dölet bashliqining pikri peqet oxshimisimu, lékin her ikkilisining xitay bilen yaponiyining dölet munasiwitini yaxshilash we ortaq menpe'etini qoghdash arzuliri oxshaydiken.

Bösüsh xaraktérlik özgirish emes, emma jiddiylikni peseytish jehette körün'gen alamet

Bügün dunyadiki her qaysi uchur wastiliri, xitay uchur wastilirimu, wén jyabaw bilen na'otokanning bu qétimqi uchrishishi, gerche xitay-yaponiye otturisidiki aral majirasini hel qilish jehette yüz bergen bösüsh xaraktérlik özgirish bolmisimu, emma, qandaqla bolmisun, jiddiylikni peseytish jehette körün'gen bir xil alamet qaridi.

'Kan bilen wénning uchrishishi tasadipiy ehwal emes'

Yaponiye Uyghur jem'iyitining bashliqi ilham mexmut, yaponiye bash weziri na'otokan bilen xitay bash ministiri wén jyabaw, tünügün kechte bryussélda uchriship 25 minut sözleshkendin kéyin, bu heqte yaponlarda qandaq inkas peyda bolghanliqini sözlep berdi. Ilham ependining bayan qilishiche, na'otokan bilen wén jyabawning uchrishishini tasadipiy ehwal emes dep qaraydighan yaponlar köp.

'Wén yaponlarni qaymuqturmaqchi'

Ilham ependining bayan qilishiche, wén jyabawning ikki dölet menpe'etini qoghdash muhim dégini peqet yaponlarni qaymuqturup qoyup, bu jeryanda özining teyyarliqini puxta qiliwélishtin ibaret, dep qaraydiken.

'Yaponiye bilen xitay otturisida chégra mesilisi yoq'

Ilham ependining bayan qilishiche, yaponiyide mutleq köp sanliq adem yaponiye bilen xitay otturisida chégra mesilisi yoq dep qaraydu.

Kéme weqesidin kéyin, yaponlarning xitaygha bolghan köz qarishida nahayiti chong özgirish boldi

Ilham ependining bayan qilishiche, yaponiye bilen xitay otturisida kéme weqesi peyda bolghandin kéyin, yaponlarning xitaygha bolghan köz qarishida nahayiti chong özgirish bolghan.

Yuqiridiki awaz ulinishidin, bu heqtiki melumatimizning tepsilatini anglaysiler.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar