Ilham mexmut: 'eger yaponlar özining sénkaku arallirini qoghdimisa, Uyghurlardek halgha chüshüp qalidu'

Xitayning besh shehiride yaponiyige qarshi namayish yüz berdi. Yaponiyidimu tokyoda xitaygha qarshi namayish yüz berdi. Yaponiye Uyghur jem'iyitining bashliqi ilham mexmut yaponiyide yüz bergen xitaygha qarshi namayishning ehwalini bayan qildi.
Muxbirimiz weli
2010-10-18
Share
Ilxam-maxmut-yaponiye-xitaygha-qarshi-namayishida-305 Sürette, yaponiye uyghur jemiyitining bashliqi ilham toxti xitaygha qarshi namayishta söz qlip, "eger yaponlar sénkaku arallirini qoghdimisa, uyghurlardek halgha chüshüp qalidu," dégen témida sözde.
Süretlerni ilham mexmut teminligen.

Yaponiye Uyghur jem'iyitining bashliqi ilham toxti bu namayishta, eger yaponlar sénkaku arallirini qoghdimisa, Uyghurlardek halgha chüshüp qalidu, dep qeyt qilghan.                 

"Xitaygha nezer" tor géziti ötken shenbe küni, xitayda yüz bergen yaponiyige qarshi namayishlar heqqide we shu küni yaponiyining tokyo shehiride yüz bergen xitaygha qarshi namayish heqqide neq meydandin tartilghan foto süretlerni élan qildi.

Namayishning sho'arliri

Uningdin melum bolushiche, yaponiyining tokyo shehiride yüz bergen xitaygha qarshi namayishta, yaponlar "yaponiye özining sénkaku arallirini qoghdaydu", "sénkaku arallirigha xitayning tajawuz qilishigha yol qoyulmaydu" dégen lozunkilarni kötürüwalghan.
Ilxam-maxmut-yaponiye-xitaygha-qarshi-namayishida-1-305
Sürette, yaponiye uyghur jemiyitining bashliqi ilham toxti xitaygha qarshi namayishta.
Süretlerni ilham mexmut teminligen.

Xitayning chéngdu shehiride yüz bergen namayishta, xitaylar "yaponiyiliklerning edipini béreyli", "dyawyu arallirini qayturuwalayli" dégendek lozunkilarni kötürüwalghan. Jéngju shehiride yüz bergen namayishta bolsa, xitaylar "yapon papilirini yoqitayli", "yapon shalghutliri junggodin chiqip ketsun" dégen'ge oxshash medeniyet qélipidin chiqqan sözlerni qollan'ghan.

Xitayda bügünmu yaponiyige qarshi namayish yüz berdi

B b s ning bayan qilishiche, bügün (düshenbe küni) xitayning wuxen shehiride yene yaponiyige qarshi namayish yüz berdi. Xitay uchur wasitiliri ming kishilik namayish dep atighan bu namayishta "yapon mallirini bayqut qilayli" dégen sho'ar towlandi.

Xitay hökümiti xelqning nishanini burash üchün namayish uyushturdi

Yaponiyide chiqidighan "fuji kechlik géziti" ning bayan qilishiche, 16‏ - öktebir xitayning shi'en, jéngju, chéngdu sheherliride yaponiyige qarshi namayish yüz bergendin kéyin, tünügün yene myenyang shehiride 30 ming kishilik namayish yüz berdi. Bu namayishta xitaylar yaponiye malliri sétilidighan dukanlargha hujum qildi.

Bu gézitte élan qilin'ghan mulahizilerde körsitilishiche, xitay hökümiti xelqning namayish qilishni cheklep kéliwatqan hökümet, emma hazir, xitay hökümiti xitaydiki kishilik hoquq qehrimani lyu shawbo nobél tinchliq mukapatigha ériship, xelqning démokratiye we erkinlik telepliri yuqiri örlewatqan ehwalgha duch keldi. Xitay hökümiti bundaq ehwal astida, meqsetlik halda yaponiyining elchixaniliri yoq sheherlerde yapon'gha qarshi namayish uyushturdi we bundaq namayishlar arqiliq weqe peyda qilip, xelqning nishanini burimaqchi boluwatidu.

Yaponiyidiki namayishqa Uyghurlarmu qatnashti

Yaponiye Uyghur jem'iyitining bashliqi ilham mexmutning bayan qilishiche, tokyoda ötküzülgen xitaygha qarshi namayishqa Uyghurlarmu qatnashqan. Ilham toxti özi bu namayishta qilghan sözide, eger yaponlar özining sénkaku arallirini qoghdimisa, Uyghurlardek halgha chüshüp qalidu, dégen.

Ilham mexmutning bayan qilishiche, Uyghurlar yaponiyidiki xitaygha namayishta yaponiyiliklerning yaxshi bahasigha ige bolghan we yaponlar bilen bolghan chüshenchini chongqurlashturghan.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet