Тәтқиқатчи илһам тохти мәркизи һөкүмәт бәлгилигән йеңи әмәлдар һәм уйғур тор бәтлири һәққидә тохталди

Бүгүн мәркизи милләтләр университетиниң дотсенти, "5 - июл үрүмчи вәқәси"дин кейин , хитай һөкүмити тәрипидин тақиветилгән "уйғур биз" тор бекитиниң саһиби , тәтқиқатчи илһам тохти әпәнди радиомиз уйғур бөлүминиң зияритини қобул қилди.
Мухбиримиз миһрибан
2010.04.30
ilham-tohti1-305 2009 - Йили февралниң ахирида, илһам тохти франсийә зийаритидә чүшкән сүрити.
RFA Photo / Shohret Hoshur

У сөһбәт җәрянида, хитай мәркизи һөкүмити уйғур аптоном райониға тәйинлигән йеңи әмәлдар җаң чүншйән һәм мәркизи һөкүмәтниң уйғурларға қаратқан сиясити; уйғур аптоном райониниң "5 - июл вәқәси" дин кейинки вәзийити, һелиғичә тақақлиқ һаләттә турған уйғур тор бәтлири, тор бәт башқурғучилириниң нөвәттики әһвали һәм ғәйрәт ниязға охшаш уйғур зиялийлириниң қисмити қатарлиқ мәсилиләр һәққидә өз қарашлирини баян қилди.

Шундақла сөһбитимиз ахирида йәнә, өзиниң мәркизи һөкүмәт вә уйғур аптоном райониға тәйинләнгән йеңи әмәлдар җаң чүншйәндин күтидиған үмидлирини баян қилип, һөкүмәтниң уйғур қатарлиқ милләтләргә қаратқан миллий сияситиниң районда қануний капаләткә игә болушини, уйғурлар һәм уйғур аптоном райониниң бундин кейинки сиясий, иҗтимаий, иқтисадий вәзийитидә йеңи бир өзгириш болушини үмид қилидиғанлиқини ипадилиди.

Юқиридики аваз улинишидин, бу һәқтики сөһбитимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.