Илһам тохти: ' уйғурлар қануний ойғиниш һәрикити елип бериши керәк'

Франсийидә зиярәттә болуватқан уйғур зиялийси мустәқил тәтқиқатчи илһам тохти, франсийидики милләтләр мәсилиси билән хитайдики милләтләр мәсилисини селиштуруп, һәр икки дөләтниң қанунида милләтләр баравәрликиниң қоғдалғанлиқини, әмма иҗра қилишта болса бу баравәрликниң франсийидә әмәлийләшкәнлики, хитайда әмәлийләшмигәнликини, болупму уйғур районида миллий мәсилиниң еғирлиқини билдүрди.
Мухбиримиз шөһрәт һошур
2009-02-27
Share
Uyghurbiz-torbet1-305 Бейҗиңдики мәркизи милләтләр университетиниң оқутқучиси, мустәқил тәтқиқатчи илһам тохтиниң башқурушидики " уйғурлар торда " намлиқ тор бетиниң баш бәт көрүнүши.
www.uighurbiz.cn

Илһам тохти уйғурларниң қануний һоқуқиниң дәпсәндә болушини, бири бирқисим әмәлдарларниң қанунни тоғра иҗра қилмиғанлиқи, йәнә бири болса, уйғурларниң өзлириниң қануний һоқуқини тәләп қилишта аҗизлиқ қилғанлиқидин ибарәт икки чоң сәвәп барлиқини билдүрди. У сөзидә уйғур зиялийлириға, уйғурлар арисида қанун еңини өстүрүш вә қануний ойғиниш һәрикити қозғаш тәшәббусини оттуриға қойди.

Һөрмәтлик оқурмәнләр, илһам тохти уйғур елиниң атуш шәһридә туғулуп өскән. Иқтисад вә қанун пәнлири бойичә хитай, пакистан вә қазақистан қатарлиқ әлләрдә илим тәмсил қилған. Нөвәттә мәркизи милләтләр университетниң оқутқучиси.

Илһам тохтиниң қаришичә, нөвәттә хитай җәмийитидики әң чоң мәсилиләрдин бири милләтләр мәсилисидур. Милләтләр ара достлуқ хитай һакимийитидә яшаватқан барлиқ милләтләрниң мәнпәәтигә уйғун. Әмма бу иттипақлиқниң алдинқи шәрти милләтләрниң баравәрлики, баравәрлик болғанда қәғәз йүзидики баравәрлик әмәс әмәлий һаяттики баравәрликтур.

Илһам тохтиниң бу һәқтики қарашлирини кейинки қетимлиқ программилиримизда давамлиқ тонуштуримиз.

Юқиридики аваз улинишидин, илһам тохти билән бу һәқтә өткүзгән сөһбитимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт