Mekkide chaqirilghan “Islam hemkarliq pewqul'adde qurultiyi”da élin'ghan qararlar

Qurultaygha 57 islam dölitining re'isliri ishtirak qilghan bolup, meschit heremning yénidiki“Safa qesri”de échilghan we ikki kün dawam qilghan qurultayda töwendiki qararlar élan qilindi:

1.Allah ta'alaning qur'an kerimdiki“Siler hemminglar bir ummetsiler” we “Hemminglar allahning dinigha mehkem ésilinglar, ayrilmanglar” dégen ulugh kalamining rohigha emel qilghan halda, musulmanlarning öz arisidiki birlik we inaqliqni qoghdash yolida qoldin kelgen chare we tedbirlerning hemmisini qollinish.

2.“Islam hemkarliq teshkilati”mundin ilgiri chiqarghan barliq qararlirini emeliyleshtürüsh yolida hemme birdek küch chiqirish.

3.Pelestin mesilisi islam dunyasining asasliq krizisi bolup, isra'iliye ishghaliyitige xatime bérish we pelestin dölitini qurush yolida tirishchanliq körsitish.

4.Pelestinning qudus shehiridiki islam medeniyet miraslirini qoghdap qélish, u jaydiki meschit eqsagha kéreklik yardemlerni toplash.

5.Isra'iliyige ghezze shehiridiki imbargosini bikar qilishi üchün bésim ishlitish. Bu toghrida birleshken döletler teshkilatining yardimini telep qilish.

6.Qurultay isra'iliyining qanunsiz heriketlirini qattiq tenqidleydu we isra'iliye türmiliridiki pelestinliklerni qoyup bérishini telep qilidu.

7.Qurultay süriyidiki esed hakimiyitining öz xelqining qénini éqitish jinayitini qattiq eyibleydu we süriyining tupraq birlikini qoghdap qélish yolida bar imkaniyetlerni qollinidu.

8.Süriyidiki diniy orunlarni we tarixi jaylarni bombardimandin saqlap qélish yolida tedbir qollinish.

9.Somali dölitidiki qoral - yaraq we zeher tijaritini toxtitish, térrorluq heriketlirige xatime bérish arqiliq xelqning amanliqini qoghdash.

10. Birmidiki musulmanlarni u jaydiki radikal küchlerning öltürüsh, qiynash we yurtliridin heydeshtek jinayetliridin qoghdash, bu xususta munasiwetlik organlar bilen tézdin heriketke ötüsh.

11. Qurultay se'udi erebistani padishahi abdulla teripidin birma musulmanlirigha qilin'ghan50 milyon dollar miqdaridiki yardemni tebrikleydu.

12. Her ishta otturahalliq yolini tutup, radikalliqqa yol qoymasliq, islam dinining tinchliqperwer bir din ikenlikini pütun dunyagha namayan qilish.

13. Gherb dunyasidiki bezi radikal küchlerning térrorluqni islam bilen qesten baghlashturushtek yaman xahishigha reddiye bérish.

14. Islam mezhebliri otturisidila emes, belki dunyadiki barliq dinlarning mes'ulliri bilen söhbetlerni ötküzüsh arqiliq bir - birige yol qoyush asasida tinchliq bilen ötüsh.

15. Islam dunyasidiki sawatsizliqni we ishsizliqni tügitish yolida tirishchanliq körsitish.

16. Islam dunyasini eng ilghar pen - téxnikilar bilen qorallandurush yolida hemme birdek küch chiqirish.

17. Qurultay süriyidiki esed hakimiyitining türkiyining ayropilanini chüshürüwetkenlik jinayitini qattiq eyibleydu.

Axirida, qurultay ishtirakchiliri se'udi erebistani padishahi abdulla bilen “Islam hemkarliq teshkilati”ning bash katibi ekmeliddin ihsan oghlining körsetken tirishchanliqigha rehmet éytidu.