Istanbulda ötküzülgen namayishta tutulghan yashlar bilen söhbet

Süret, 2010 ‏- yili 10 ‏- ayning 9 ‏- küni xitay bash ministiri win jyabawning türkiye ziyaritige qarshi istanbulda ötküzülgen namayishtin körünüsh.

Ayasofiya muzéyxanisi aldida namayish qiliwatqan Uyghurlar bu ehwaldin xewer tapqandin kéyin saqchi bashliqidin tutulghan qérindashlirini qoyup bérishni telep qilghan we ular qoyup bérilmigiche tarqap ketmeydighanliqi hem pütkül axbarat wastilirigha bu heqte bayanat élan qilidighanliqini bildürgen.

Ayasofiya meydanida namayish qiliwatqan dunya Uyghur qurultiyining mu'awin re'isi séyit tümtürk bu heqte bayanat élan qilip mundaq dédi: "héch qandaq Uyghur qérindash bu yerde qanunsiz ish qilmidi. Pütünley démokratiye hoquqimizni qollan'ghan bolsaqmu, bügün 8 neper Uyghur qérindishimiz qaraköy saqchixana teripidin tutuldi. Ularning héch qandaq jinayiti yoq. Bular néme üchün tutuldi?. Bular türkiye jumhuriyitining puqraliri. Bu qérindashlirimizning derhal qoyup bérilishini saqchilardin telep qilimiz."

Netijide saqchilar ularni qoyup béridighanliqigha wede bérip, ularni shu küni chüshtin kéyin qoyup bergen we saqchilar ularni, namayish qilishqa ruxset qilin'ghan orundin bashqa bir yerde namayish qilghanliqi üchün waqitliq toxtitip qoyghanliqini eskertken.

Biz bu namayishta saqchilar teripidin tutulup, kéyin qoyup bérilgen Uyghurlardin, ablet hajim, sabir damollam we muhemmed yüsüp qatarliq yashlar bilen bu heqte söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.