Istanbulda sherqiy türkistan ma'arip we hemkarliq jem'iytining yene bir shöbisi échildi

Istanbul shehirige qarashliq küchükchekmeje ‏- sefaküy rayonida sherqiy türkistan ma'arip we hemkarliq jem'iytining shöbisi échilip, 2010 ‏- yili 1 ‏- ayning 30 ‏- küni shöbining échilish murasimi ötküzüldi.
Muxbirimiz arislan
2010-02-01
Share
Istanbul-Safakoyda-Maarip-Jemiyiti-shobisi-echildi-305.jpg Süret, 2010 ‏- yili 1 ‏- ayning 30 ‏- künidiki istanbul shehirige qarashliq küchükchekmeje ‏- sefaküy rayonida sherqiy türkistan maarip we hemkarliq jemiyti shöbisining échilish murasimigha qatnashqan mihmanlardin bir körünüsh.
RFA Photo / Arslan

Murasimgha sherqiy türkistan ma'arip we hemkarliq jem'iyitining mes'ulliri we istanbulda yashawatqan Uyghurlardin köp sanda kishi qatnashti. Échilish murasimgha yene küchükchekmeje sheher bashliqi eziz yéni'ay bashchiqilidiki bir hey'et, adalet we tereqqiyat partiyisining küchükchekmeje rayonluq shöbe bashliqi temel qaradéngiz we pishqedem wetenperwer zat seley hajim artushi ishtirak qildi.

Murasimda istanbul ‏- küchükchekmeje sheher bashliqi eziz yéni'ay, adalet we tereqqiyat partiyisining küchükchekmeje rayunluq shöbe bashliqi temel qaradéngiz söz qildi. Murasimda sherqiy türkistan ma'arip we hemkarliq jem'iytining re'isi hidayetullah oghuzxan söz qilip, sheher bashliqi eziz yéni'ay bashchiliqidiki hey'etke, Uyghurlar we sherqiy türksitan mesilisi heqqide qisqiche doklat bergendin kéyin, sherqiy türksitan ma'arip we hemkarliq jem'iyitining xizmet ‏- pa'aliyetlirini tonushturup ötti.

Istanbulning sefaküy rayoni chong we awat rayonliridin biri bolup, bu rayonda 500 din artuq Uyghur a'ilisi yashaydu. Sherqiy türkistan ma'arip we hemkarliq jem'iyti 2008 ‏- yili istanbulning zeytinburnu rayonida shöbisini achqan idi.

Murasim axirida, sheher bashliqi eziz yéni'ay we adalet we tereqqiyat partiysi küchükchekmeje rayonluq shöbe bashliqi temel qaradéngiz ependilerge Uyghur doppisi teqdim qilindi.

Biz murasim axirida sheher bashliqi eziz yéni'ay we sherqiy türkistan ma'arip we hemkarliq jem'iyiti re'isi hidayetullah oghuzxan ependiler bilen söhbet élip barduq.

‏-- Hörmetlik sheher bashliqi, bügün bu yerde Uyghurlarni ziyaret qiliwatisiz, sherqiy türkistandiki Uyghurlar heqqide némilerni oylawatisiz?

‏-- Hazir xususen sherqiy türksitan Uyghur rayonida uzun yillardin biri jiddiy zulum boluwatidu, pat ‏- pat qetli'amlar yürgüzülüwatidu, hetta bu qetli'am qirghinchiliqqa ayliniwatidu, epsuslinarliqi, u yerdiki qandashlirimizgha, qérindashlirimizgha zulumlar qiliniwatidu, aldi bilen men bir insan bolush süpitim bilen, buni heqiqeten insaniyetke dagh tekküzidighan chong bir eyib dep bilimen we buningdin bi'aramliq hés qiliwatimiz. Biz bu yerde, sherqiy türkistandiki qérindashlirimizning deslepte öz erkinliklirige ige bolushlirini arzu qilimiz, ular milliy salahiyitini qoghdiyalighidek shekilde özi put tirep turalaydighan kün yéitp kelgende, bu biz üchün bayram küni bolidu, chünki her qandaq insanning, her qandaq milletning öz milliy yadikarliqlirigha, medeniyetlirige ige chiqip yashash heqqi bar. Bu menada xususen u rayondiki zulumni, u rayondiki tarixi jeryanni hemmimiz yéqindin közitip kéliwatimiz, buni bir türk bolush süpitimiz bilen höjeyrlirimizde, ichimizde hés qiliwatimiz, u yerdiki qérindashlirimizgha tinchliqqa érishidighan, xushalliqqa chümidighan künlerning kélishi üchün allahqa du'a qilimiz. Bu heqte türkiye jumhuriyiti her sahede yardem qilidu, u yerdiki qérindashlirimizning, u yerdiki qandashlirimizning yüzliri külgen künler bizning üchün bayram küni bolidu.

‏-- Hörmetlik sheher bashliqi, erkin asiya radi'osi arqiliq Uyghurlargha yollaydighan birer sözingiz barmu?

‏-- U yerdiki qérindashlar bizning qérindashlirimiz, u yer bizning ata yurtimiz, biz esli u yerdin kelgen, ular bizning qan qérindashlirimiz, ulargha her türlük hörmet we salam yollaymiz, gerche biz türkiyide bolsaqmu, bir putimiz, bir qedimimiz u yerde, rohlirimiz u yerde, eqlimiz u yerde, biz her zaman u yerdiki qérindashlirimiz bilen birge. Ularni du'alirimizda yad étimiz.

Yuqiridiki awaz ulinishidin, bu heqtiki söhbitimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet