Истанбулда уйғур паалийәтчиләр үчүн истратегийә тоғрисида лексийә бериш йиғини өткүзүлди

2 Йилдин бери истанбулда паалийәт елип бериватқан шәрқий түркистан маарип вә һәмкарлиқ җәмийити истратегийә мутәхәссислирини алаһидә тәклип қилип, истратегийә һәққидә лексийә бериш йиғини өткүзүп кәлмәктә.
Ихтиярий мухбиримиз әркин тарим
2011.12.20
erkin-ekrem-leksiye-sozlimekte1-305.jpg Әркин әкрәм истратегийә тоғрисида лексийә сөзлимәктә. 2011-Йили 18-декабир, истанбул.
RFA/Erkin Tarim

Улар һазирғичә түрк, әрәб вә башқа милләтләрдин истратегийә мутәхәссислирини чақирип лексийә сөзләткән болуп, 12-айниң 18-күни уйғур истратегийә тәтқиқатчисини тәклип қилип доклат бәргүзди. Йәкшәнбә күни әтигән саәт 10да истанбул фәнәр җәмийитиниң залида чақирилған бу лексийә сөзләш йиғинида түркийә истратегийилик чүшәнчә институти мутәхәссиси дотсент доктор әркин әкрәм әпәнди “истратегийиниң сиясәт бәлгиләштики орни” темисида доклат бәрди. У доклатида истратегийиниң немә икәнлики, оттуриға чиқиш җәряни һәққидә қисқичә мәлумат бәргәндин кейин, истратегийиниң бир дөләт яки бир милләтниң алий мәнпәитини қоғдап қелиштики роли һәққидә мәлумат бәрди.

istrategiye-toghrisida-leksiye-385.jpg
Уйғур паалийәтчиләр үчүн истратегийә тоғрисида лексийә бериш йиғинидин көрүнүш. 2011-Йили 18-декабир, истанбул.
RFA/Erkin Tarim

Бу лексийини аңлаш үчүн уйғур паалийәтчиләр вә шәрқий түркистан мәдәнийәт вә һәмкарлиқ җәмийити әзалиридин болуп 70 әтрапида киши қатнашти. Лексийә ахирлашқандин кейин лексийини уюштурғучилар билән лексийигә қатнашқанларға микрофонимизни узаттуқ. Улар бирдәк бу лексийә арқилиқ шәрқий түркистан дәвасини қандақ елип беришни нәзәрийә җәһәттин чүшинивалғанлиқини, әмма буни әмәлийләштүрүш ишиниң сиясәтчиләргә қалғанлиқини ейтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.