Вакаләтсиз милләтләр тәшкилатиниң йиғинида уйғурлар һәққидә доклат берилди

Вакаләтсиз милләтләр тәшкилатиниң 11-нөвәтлик йиғини шветсарийиниң пайтәхти җәнвәдә рәсмий башланди. Бу йиғинға уйғурларға вакалитән дуня уйғур қурултийи иҗраийә һәйити рәиси, вакаләтсиз милләтләр тәшкилатиниң һәйәт әзаси долқун әйса әпәнди қатнашти һәм уйғурларниң һазирқи вәзийити һәққидә доклат бәрди.
Ихтиярий мухбиримиз әркин тарим
2012.11.29
dolqun-eysa-bdt-305.jpg Б д т аз санлиқ милләтләр мунбириниң бәшинчи нөвәтлик йиғиниға д у қ ға вакалитән (солдин оңға) долқун әйса, илһам мәхмут, әсқәрҗан вә Michael Philipps сүрәттә йоқ) қатарлиқ төт кишилик һәйәт қатнашти. 2012-Йили 27-ноябир, җәнвә.
RFA/Erkin Tarim

Долқун әйса әпәнди йиғинға уйғурларниң 14 маддилиқ тәлипини елип барған болуп, мәзкур тәклип бу қетимқи йиғинда музакирә қилинидикән. 29-Ноябир күни җәнвәдә башланған йиғинниң ечилиш мурасимида вакаләтсиз милләтләр тәшкилатиниң пәхрий рәиси әркин алиптекин әпәнди ечилиш нутқи сөзлиди. Рәиси наваң копер әпәнди өткән икки йиллиқ хизмәт доклати, баш секретар марино буттачин әпәнди малийә доклати бәрди. Кейин вакаләтсиз милләтләр тәшкилатиға әза милләтләрниң вәкиллири өз миллитиниң һазирқи вәзийити һәққидә доклат берип өтти. Уйғурларға вакалитән долқун әйса әпәнди “шәрқий түркистанниң һазирқи вәзийити вә хитайниң уйғурларға елип бериватқан сиясити” темисида доклат оқуди.

11-Айниң 29-күнидин 12-айниң 1-күнигичә давамлишидиған йиғинға вакаләтсиз милләтләр тәшкилатиға әза 30 милләттин 60 вәкил қатнашмақта. Йиғинниң күн тәртипи һәққидә техиму тәпсилий мәлумат елиш үчүн йиғинға қатнишиватқан долқун әйса билән сөһбәт елип бардуқ.

Тәпсилатини юқиридики аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.