Obamaning yardemchisi jo baydin türkiye dölet re'isi abdullah gül bilen körüshti

Amérika prézidénti barak obamaning yardemchisi jo baydin mexsus ayropilan bilen 12 - ayning 1 - küni aqsham türkiyining paytexti enqerege yétip keldi. Bügün yani 12 - ayning 2 - küni etigen türkiye parlaménti bashliqi jemil chichek ependi bilen nashta qilghan jo baydin nashtidin kéyin türkiye jumhuriyitining qurghuchisi tunji dölet re'isi mustafa kamal atatürkning qebrisi we xatire sariyini ziyaret qildi.
Ixtiyari muxbirimiz erkin tarim
2011.12.02
Share on WhatsApp
Share on WhatsApp
joe-biden-turkey-305.png Jow baydin turkiyde ziyarette
RFA

Kéyin türkiye dölet re'isi abdullah gül bilen körüshti. Jo baydin türkiye dölet re'isi abdullah gül bilen élip barghan uchrishishida, noqtiliq halda süriyining échinishliq weziyiti bilen iran mesilisi muzakire qilin'ghan. Bulardin bashqa yene p k k térror teshkilatigha qarshi küreshte amérikining türkiyige qilghan yardimi, afghanistan, ereb bahari, türkiye bilen isra'il otturisidiki munasiwet we türkiye - ermeniye munasiwiti qatarliq témilarda muzakire élip bérilghan. Türkiye tashqi ishlar ministiri mu'awini feridin sinirli'oghlu, türkiyining washin'gtonda turushluq bash elchisi namiq tan we amérikining enqerede turushluq bash elchisi franchis rikki'ardone qatarliq kishilermu qatnashqan bu uchrishish ikki sa'et dawamlashti. Uchrishish axirlashqandin kéyin türkiye dölet re'isi abdullah gül muxbirlargha qisqa bir bayanat berdi. U mundaq dédi:

Iraqning weziyiti heqqide sözleshtuq. Umumen qilip éytqanda, rayonimizdiki mesililer heqqide sözleshtuq. Türk bilen amérika otturisidiki munasiwetler heqqide nurghun témilar bar idi, bu heqte sözlishish pursitimu boldi.

Bir muxbirning amérika térrorluqqa qarshi küreshte türkiyige yardem qilish üchün üch dane uchquchisiz ayropilan berdi. Bu qétimqi uchrishishingizda bu heqte néme yéngiliqlar bar dégen so'aligha, abdulla gül jo baydin iraqtimu bir yürüsh uchrishishlarni élip bardi. Térrorluqqa qarshi küreshte ikki dölet otturisidiki munasiwetni kücheytishte hempikir bolduq dep jawab berdi.

Bayanatta jo baydin bilen élip barghan uchrishishta térrorluqqa qarshi küreshte ikki dölet otturisidiki hemkarliqni kücheytishte hempikir bolghanliqi tekitlen'gen.

Amérika prézidénti barak obamaning yardemchisi jo baydin istanbulda “Xelq'araliq teshebbus qilghuchilar” yighinigha qatnashqandin bashqa türkiye bash ministiri rejep tayyip erdoghan bilenmu körüshidiken. U 12 - ayning 3 - küni resmiy ziyaret üchün giritsiyige baridiken. Jo baydin iraqtiki ziyaritini axirlashturup türkiyige kelgen idi.

Ereb baharida türkiyining dawamliq halda ereb xelqini we namayishchilarni qollap - quwetlishi, ereb baharigha démokratiye we insan heqliri nuqtineziridin qarishi türkiyining xelq'aradiki abroyini yuqiri köterdi. Türkiye süriyidiki qozghilangdin qachqan xelqqe chégrisini achti, türkiye dölet re'isi abdullah gül bash ministir rejep tayyip erdoghan dawamliq halda süriye dölet bashliqi beshar esatni öz xelqighe zulum qilmasliqqa, xelqini öltürmeslikke chaqirmaqta. Hetta türkiye tashqi ishlar ministiri exmet dawut'oghlu beshar esat hökümitige qarshi bolghan öktichiler bilen körüshüp süriyining hazirqi weziyiti heqqide muzakiriler élip barmaqta. Ular türkiye hökümitige türkiyide ish bijirish orni échish telipinimu otturigha qoyghan idi. Shunga bezi mutixessisler jo baydinning bu qétimqi türkiye ziyaritide noqtiliq halda süriye mesiliside türkiye bilen qandaq hemkarliq élip bérish toghrisida muzakire élip barghanliqini ilgiri sürüshmekte.

Biz amérika prézidénti obamaning yardemchisi jo baydinning türkiyige élip barghan bu ziyariti heqqidiki köz qarashlirini élish üchün xelq'ara munasiwetler mutexessislirige mikrafonimizni uzattuq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.