Камбоджадин қайтурулған 20 уйғурниң әһвали аилилиридин сир тутулмақта

Сүрәт, америкиниң муавин ташқи ишлар министири Scot Marciel ниң сәйшәнбә күни камбоджани зийарәт қилип, камбоджа ташқи ишлар министири Hor Namhong билән көрүшкән көрүнүшлиридин бири.

Буниң билән биллә, хитай һөкүмитини мәзкур тутқунларниң адвокат тутуш вә аилиси билән көрүшүш қатарлиқ әқәллий һоқуқлириға капаләтлик қилишқа йәни уларни хәлқара қанун өлчәмлири бойичә бир тәрәп қилишқа чақирған. Әмма хитай һөкүмити, хитайниң бир қанун дөлити икәнликини, тутқунларниң тегишлик қануний һәқлиригә саһип икәнликини билдүрүп, тутқунларниң әһвалидин тәпсилий мәлумат беришни рәт қилип кәлгән.

Йеқинқи игиләшлиримиздин қариғанда, хитай һөкүмити 20 уйғурниң әһвали һәққидә, һазирға қәдәр уларниң аилисигә һечқандақ учур бәрмигән. Аилиләр пәрзәнтлири һәққидики учурларни пәқәт коча хәвәрлиридин аңлиған.

Биз бүгүн камбоджадин қайтурулған уйғурлардин ибраһим исламниң дадиси билән сөһбәт өткүздуқ.

Бу мәлуматтин қариғанда, камбоджадин қайтурулған уйғурларниң адвокат тутуш һәққиниң әсла болмиғанлиқи, хитайниң бу 20 нәпәр уйғур мәсилисидә йәнила дуняни алдап келиватқанлиқи мәлум болмақта.

Юқиридики аваз улинишидин, бу һәқтики мәлуматимизниң тәпсилатини аңлайсиләр.