0:00 / 0:00
بۇ پائالىيەت كانادا ئۇيغۇر جەمئىيىتىنىڭ تەشكىللىشى بىلەن ئۆتكۈزۈلگەن بولۇپ، مەزكۇر جەمئىيەتنىڭ ئۇقتۇرۇشىدا نامايىشنىڭ مەقسىتى كانادالىقلارغا ۋە خەلقئارا تەشكىلاتلارغا بارىن قىرغىنچىلىقىنىڭ ھەقىقىي يۈزىنى ئاشكارىلاش،خىتاي ھۆكۈمىتىنىڭ ۋەتىنىمىزدە خالىغانچە تېررورلۇق يۈرگۈزىشىگە، قىرغىنچىلىق ئېلىپ بېرىشىغا قارشىلىق بىلدۈرۈش شۇنداقلا خوتەن ئاياللىرىنىڭ نامايىشىنى تەشۋىق قىلىش ۋە ئۇلارغا مەدەت بېرىش، دېيىلگەن .
1990- يىلى 4 - ئاينىڭ 5 - كۈنى ئاقتۇ ناھىيىسىنىڭ بارىن يېزىسىدىكى ئۇيغۇر دېھقانلىرى خىتاي ھۆكۈمىتىگە قارشى قوراللىق قوزغىلاڭ كۆتۈرگەندە، خىتاي ئارمىيىسى تەرىپىدىن قانلىق باستۇرۇلغان ۋە يېزا خەلقى قىرغىن قىلىنغانىدى.
بىز نامايىشقا قاتناشقان بىر قىسىم ئۇيغۇرلارنى زىيارەت قىلغىنىمىزدا، ئۇلار بۇ نامايىش ھەققىدە تەپسىلىي مەلۇمات بەردى.