Ürümchi qirghinchiliqining ikki yilliqi munasiwiti bilen kanadada namayish ötküzüldi

Buningdin ikki yil ilgiriki 5-iyul küni ürümchi shehiride Uyghurlarning xitay mustemlikichilirining zulumigha, xorlashlirigha qarshi özlirining insandek yashash teleplirini otturigha qoyush üchün élip barghan naraziliq namayishliri xitay da'iriliri teripidin qanliq basturulup, nechche yüzligen Uyghur yash öltürülgen we nechche onminglighan Uyghur tutqun qilin'ghanidi. Bu Uyghurlarning yéqinqi tarixidiki eng chong tiragidiyilik weqelerning biri dep qarilidu.

Bügün bu qirghinchiliqning ikki yilliqi xatire künide, dunyaning bashqa yerliridiki Uyghurlargha oxshash, kanadaning toronto shehiridiki Uyghurlarmu kanada Uyghur jem'iyitining teshkillishi bilen toronto shehiridiki xitay konsulxanisining aldigha toplinip, u qirghinchiliqta ölgen Uyghur qérindashlirini yad étish we xitay hökümitining zorawanliqlirini eyiblesh üchün naraziliq namayishi ötküzmekte.

Biz bu munasiwet bilen kanada Uyghur jem'iyitining re'isi ruqiye turdushni ziyaret qilghinimizda, u bügünki namayish heqqide melumat berdi.
Bu qétimqi naraziliq namayishidin kéyin xitay da'iriliri Uyghur rayonining dunya bilen bolghan uchur- alaqisini üzüp tashlighan we dölet kontrolluqidiki axbarat wasitiliri arqiliq,Uyghurlargha qarshi xitay milletchilikini qutratqan we ürümchidiki xitay köchmenliri Uyghurlargha qarshi intiqam yeni Uyghurlarni owlash heriketlirige ötkenidi.

Bügünki namayishqa qatnashqan siyasiy pa'aliyetchi tuyghun abduweli ependi 5-iyul künidiki bu naraziliq namayishining Uyghurlarning hayatigha élip kelgen ijabiy we selbiy tesirlerni bayan qildi.

Bügün kechte yenesiyasetchiler, kishilik hoquq pa'aliyetchiliri we xristi'an hem katolik dinliri wekillirining qatnishishi bilen torontoda Uyghurlargha medet bérish pa'aliyiti ötküzülidu.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar