ئۇيغۇرلار كانادانىڭ ۋانكوۋېر شەھىرىدە نامايىش ئۆتكۈزدى

كانادانىڭ ۋانكوۋېر شەھىرىدىكى ئۇيغۇرلار 5-ئىيۇل ئۈرۈمچى ۋەقەسىدە ئۆلگەن قېرىنداشلىرىنى ئەسلىدى ۋە خىتاي ھۆكۈمىتىنىڭ زوراۋانلىقلىرىغا بولغان نارازىلىقىنى ئىپادىلىدى.
ئىختىيارىي مۇخبىرىمىز كامىل تۇرسۇن
2011-07-06
Share
urumchi-qoralliq-saqchi-5-iyul-305.jpg 5-ئىيۇل ئۈرۈمچى ۋەقەسىدىن كېيىن ئۈرۈمچىنى چارلاپ يۈرگەن قوراللىق ساقچىلار. 2009-يىلى ئىيۇل.
RFA

7-ئاينىڭ 5-كۈنى چۈشتىن كېيىن، كانادانىڭ ۋانكوۋېر شەھىرىدىكى ئۇيغۇرلار مەزكۇر شەھەردىكى خىتاي كونسۇلخانىسىنىڭ ئالدىدا، 5-ئىيۇل ئۈرۈمچى قىرغىنچىلىقىنىڭ ئىككى يىللىقى مۇناسىۋىتى بىلەن نارازىلىق نامايىشى ئۆتكۈزۈپ، مەزكۇر ۋەقەدە ئۆلگەن قېرىنداشلىرىنى ئەسلىدى ۋە خىتاي ھۆكۈمىتىنىڭ زوراۋانلىقلىرىغا بولغان نارازىلىقىنى ئىپادىلىدى.

بىز بۇ مۇناسىۋەت بىلەن ۋانكوۋېردىكى نامايىشقا قاتناشقان ئۇيغۇرلارنى زىيارەت قىلغىنىمىزدا، سىياسىي پائالىيەتچى ئۆمەرجان بۈگۈنكى نامايىش ھەققىدە مەلۇمات بەردى ۋە 5-ئىيۇل ئۈرۈمچىدىكى نامايىشنىڭ سىياسىي خاراكتېرى ھەققىدە توختالدى.

ئۆمەرجان ئەپەندى 5-ئىيۇل قىرغىنچىلىقىنىڭ چەتئەلدىكى كۆپلىگەن ئۇيغۇرنىڭ سىياسىي ھاياتىغا تەسىر قىلغانلىقىنى، ۋەتەن ۋە شەرقى تۈركىستان ئوقۇملىرى ھەققىدە ئۇلارنى ئويغىتىش رولىنى ئوينىغانلىقىنى بايان قىلدى.

نامايىشقا قاتناشقان ئىمام ئەپەندى بولسا، خىتاي دائىرىلىرىنىڭ ۋەتەن ئىچىدە، 5-ئىيۇل قىرغىنچىلىقىنىڭ ھەقىقىي خاراكتېرىنى بۇرمىلاپ، تەتۈر تەشۋىقات قىلىۋاتقانلىقىنى، بۇنىڭ ۋەتەن ئىچىدىكى بەزى ئۇيغۇرلارنى قايمۇقتۇرۇۋاتقانلىقىنى تىلغا ئالدى. ئىمام ئەپەندى سۆزىدە يەنە، خىتاي دائىرىلىرىنىڭ ھاكىمىيەتتىن ئايرىلىپ قالماسلىق ئۈچۈن ھەدەپ خىتاي مىللەتچىلىكىنى قۇترىتىۋاتقانلىقىنى ئەسكەرتتى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت