Канада уйғур җәмийитиниң йеңи рәһбәрлик аппаратини зиярәт
2012.06.01
Канададики сайламда қеюм мәсимуф канада уйғур җәмийитиниң рәисликигә сайланди. 2012-Йили 27-май.
Бу қетимқи сайламни канаданиң торонто шәһиридә қурулған канада уйғур җәмийитиниң сайлам ишлириға рәһбәрлик қилиш алий комитети елип барған болуп, сайлам канададики уйғурлар тарихида елип берилған тәсир даириси бир қәдәр зор, юқири вә оттура қатлам зиялийлар актиплиқ билән қатнашқан вә канаданиң демократик принсиплириға маслашқан сайлам болуп һесаблиниду.
27 - Май торонтодики мәркизи биләт ташлаш районида очуқ ашкара саналған биләт нәтиҗисигә асасән 162 аваз билән канада уйғур җәмийитиниң рәисликигә сайланған қеюм мәсимуфни торонтодики уйғурлар қизғин чаваклар билән тәбриклиди. Қеюм мәсимуф сайлам мәйданида һаяҗанланғанлирини ипадилиди.
Шу күни елип берилған сайлам җәрянида йәнә адил аббас канада уйғур җәмийитиниң муавин рәисликигә сайланди. Канада уйғур җәмийитиниң сабиқ рәиси руқийә турдуш адил аббасни көпчиликкә тонуштурди.
Сайлам ахирлашқандин кейин биз канада уйғур җәмийитиниң йеңидин сайланған муавин рәиси адил аббасни вә канада уйғур җәмийитиниң йеңи рәиси қеюм мәсимуфниму зиярәт қилдуқ.
Көп көрүлгән хәвәрләр
RFA
- Хитайниң уйғур муһаҗирларға давамлиқ қара қолини созуватқанлиқи ашкариланмақта
- Хитайниң истанбулдики консулханисиниң чаған байрими мурасимиға бир қисим уйғурларниң қатнишиши ғулғула қозғиди
- Шаир вә әдиб абдуқадир җалалидинниң муддәтсиз кесиветилгәнлики ашкариланди
- Германийәлик сәйяһ киристоп реһагниң уйғур дияридики пиядә саяһити (1)
- Атуштики сақчи хадимлири: чағанни тәбрикләшкә қатнашқанлар мукапатлиниду, қатнашмиғанлар җазалиниду