Казафийниң өлүми вә ливийиниң келәчики

Ливийилик инқилабчилар 2011-йили 20-өктәбир пәйшәнбә күни казафийни өлтүрүш билән бундин йәттә ай илгири башланған инқилабини ғәлибигә ериштүргән болди.
Ихтиярий мухбиримиз өмәрҗан
2011-10-21
Share
kazafiy-afriqa-lidiri-bilen-sohbettin-keyin-305.jpg Казафий африқа лидири билән болған сөһбитини түгитип, оз хәлқигә қол ишарити қилди. 2011-Йили 10-апрел, триполи.
AFP

Хәвәрләргә қариғанда, казафийниң өлүми ечинишлиқ болған. Казафий инқилабчиларниң қолиға яриланған һалити билән тирик чүшкән болсиму, инқилабчилар тәрипидин етип өлтүрүлгән.

Лондонда чиқидиған"оттура шәрқ" гезитиниң 2011-йили 21-өктәбир санида мәшһур язғучи тариқ һәмид тәрипидин "бу немидегән ечинишлиқ йоқилиш" дегән темида бир мақалә елан қилинған болуп, язғучи мақалисидә мундақ дәп язған: "ливийидә намайиш башланған вақитта казафий намайишчиларни көзигә илипму қоймиған иди. Һәтта уларни әң қисқа вақитта пүтүнләй йоқитип, ливийини улардин тазилайдиғанлиқини ейтқан вә намайишчиларни оқ билән етип өлтүрүш буйруқини бәргән иди. Әмдиликтә казафий намайишчиларниң қолиға чүшкинидә ‹мени өлтүрмәңлар, мени немә қилисиләр?' дәп өзиниң бичарә һалға чүшүп қалғанлиқини изһар қилди. Һечкимни көзгә илмайдиған бу һакиммутләқ өлүш алдида бәкму бичарә һалға чүшүп қалған вә қаттиқ қорқуп кәткән иди. Әмма униң ақивити ечинишлиқ өлүм билән хуласиләнди. Бу худди садам һүсәйинниң тәқдиригә охшап кәткән бир иш иш. Садам һүсәйинму хорлинип хәлқниң қолида өлтүрүлгәндәк, казафийму хәлқниң қолида өлтүрүлди. Һәр иккисиниң аилиси парчилинип вәйран болди. Бу әслидә пүтүн дунядики һакиммутләқләр үчүн ибрәт болушқа тегишлик иш иди."

Казафийниң һалидин ибрәт алидиғанлар йәнила аз

Мақалидә йәнә мундақ дәп йезилған: "казафий ливийидә 42 йил диктаторилиқ билән һакимийәт йүргүзгән болуп, униң ахири езилгән шу хәлқ тәрипидин ечинишлиқ өлүм билән хуласиләнди. Казафий өзини һечкимгә тәң қилмайтти, өзини ‹әрәбләрниң каттиси', ‹падишаһларниң сәрхили', ‹африқа дөләтлириниң қомандани' дәп тәрипләйтти. Ливийә униң вә аилисиниң мүлкигә айлинип қалған болуп, шунчә көп нефит чиқидиған бай бир дөләтниң хәлқи әң намрат турмушта һаят кәчүрүп кәлди. Ливийиниң байлиқидин казафий вә униң аилә әзалирила пайдилинатти. Әмма хәлқ йәнила йоқсуллуқта иди. Бу зулум сақ 42 йил давам қилди. Ахири хәлқ ғәлибә қилди вә зулум ахирлашти. Дуняниң һакиммутләқлири бу вәзийәттин ибрәт алмамду? бәшер, салеһ вә башқиларниң тәқдири казафийдәк болмайду дәп ким ейталайду?"

Ливийиниң келәчики қандақ болиду?

Мақалида йәнә мундақ дәп йезилған:"казафийниң йоқалғанлиқи ливийиликләр үчүн әң қийин ишлар ичидики әң оңай иш һесаблиниду. Әмма ливийиликләрни бир қараңғу келәчәк күтмәктә. Улар казафийдин кейинки ливийини қандақ қуруп чиқиду, намайиш қилған хәлқниң тәлипини қандақ қандуриду? бу асаслиқ муһим мәсилә һесаблиниду. 42 Йилдин бири казафий бузуп қойғанларни түзүш вә йеңи бир ливийә қуруп чиқиш асан иш әмәс. Бу ливийиликләрниң әң қийин вә муһим вәзиписидур."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт