Sayram baziridiki kommunist teshwiqatchisi: “Wilayitimizning siyasiti bashqa yerlerge oxshimaydu...”

Bir qanche kün burun tengritagh tori, radi'o torlirigha chaplan'ghan “Ikki xil kiyim modél körgezmisi küchlük inkas qozghidi” namliq xewer Uyghurlar ichide zor ghulghula qozghighandin kéyin, radi'omizdimu bu heqte sayram yézisidin toluq melumatlar igilep anglitilghan idi. Halbuki da'iriler 7-dékabirdin étibaren Uyghurche tor betliridin mezkur xewer we buninggha da'ir yazmilarni pütünley öchürüp tashlidi.

Bu süretlik xewerning aptori qurban sayim, ixtiyariy muxbirliq salahiyiti bilen bir qanche yillardin buyan Uyghurche chiqidighan xitay axbaratlirida asasliqi aqsu wilayiti bay nahiyisidiki hökümet teshwiqatigha da'ir uchurlarni élan qilip kéliwatqan, bay nahiye sayram bazar xelq qurultiyi hey'et riyasitining ezasi bolup, muxbirimiz gülchéhre sayram bazirida turushluq bu aktip hökümet teshwiqat xadimini téléfon arqiliq ziyaret qildi.

Yuqiridiki awaz ulinishidin tepsilatini anglighaysiler.