Kökbayraq zhurnili 5 - iyul ürümchi weqesige béghishlap mexsus san chiqardi

`Türkiye günlügü` yeni `türkiyining künlük xatirisi` namliq zhurnaldin kéyin, `kökbayraq` zhornilimu 5 - iyul ürümchi weqesige béghishlap mexsus san neshir qildurdi. Bu sandiki birinchi maqalining 'témisi ötmüshtin bügün'giche sherqiy türkistan.'
Muxbirimiz erkin tarim
2009-09-23
Share
Kok-bayraq-jornili-305.jpg Süret, kökbayraq zhurnilining 5 - iyul ürümchi weqesige béghishlap mexsus chiqirilghan sanining muqawa körünüshi.
RFA Photo / Erkin Tarim

Kéyin zhornalda yene türkiyediki gézitlerde 5 - iyul ürümchi weqesi heqqide chiqqan xewer we maqalilerning témiliri renglik resimler bilen bérilgen. 5 - Iyul ürümchi weqesige türkiyidiki gézitler birinchi bette orun bergen idi. Kökbayraq zhornilining bu mexsus sanida ürümchi weqesi heqqide türkiyediki dangliq obzorchilar yazghan maqalilarghimu yer bérilgen.

Bular maqalilar, terjiman gézitining obzorchisi sabiq parlamént ezasi aydin menderes yazghan `sherqiy türkistan` mawzuluq maqale, radikal gézitining obzorchisi sabiq ministir namiq kamal zeybek yazghan `u yer sherqiy türkistan` mawzuluq maqala, radikal gézitining obzorchisi sabiq ministir hasan jelal güzel yazghan `türkiyening sirtida eng köp türk nupusi bar yer qeyer bilemsiler? mawzuluq maqala, dangliq obzorchi taha aqyol yazghan `sherqiy türkistanda xitayning wehshiliki dawam qiliwatqanda` we dangliq obzorchi fikret bila ependi yazghan `dünya bu wehshilikke qarap turmaqta` mawzuluq obzorlardin ibaret.

Bulardin bashqa ertughrul aydin, axmet warol, jumhuriyet géziti obzorchisi riza zelyurt we bügün géziti obzorchisi axmet tashgétiren qatarliq obzorchilarning maqalilirimu tallap zhornlagha kirgüzülgen. Kökbayraq zhurnili 15 yildin béri qeyseride pa'aliyet élip bériwatqan sherqiy türkistan mediniyet we hemkarliq jem'iyiti teripidin neshir qiliniwatqan ikki ayda bir chiqidighan zhurnal.

Ege üniwérsititi oqutquchisi prof. Dr. Alimjan inayet bu zhurnaldiki maqaliler heqqide toxtaldi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet