Türkiyining ikki chong wilayitide "sherqiy türkistanda xitay zulumi" körgezmisi échildi

Türkiyining sherqiy shimaligha jaylashqan trabzon wilayitining aqcha'abat nahiyisi bilen türkiyining gherbige jaylashqan bursa shehiride 11-ayning 27-küni "sherqiy türkistanda xitay zulumi" körgezmisi échildi.
Ixtiyari muxbirimiz erkin tarim
2010-11-29
Share
Turkiyidiki-Korgezme 305 Türkiyening ikki chong wilayitide échilfan `sherqiy türkistanda xitay zulmi` körgezmisidin körünüsh
RFA

Bu körgezmige 5-iyul ürümchi weqesi ekis ettürülgen resimlerdin bashqa yene hazir xitay hökümitining Uyghur diyarida yürgüzüwatqan bésim siyasiti ekis ettürülgen resimlermu qoyulghan. Bulardin bashqa körgezme échilghan orxan'ghazi baghchisida Uyghur naxsha-muzikiliridin tallanmilarmu anglitilghan bolup, kishilerning qattiq diqqet étibarini qozghighan.

Bu körgezmilerning échilishi murasimi muxbirlarni kütüwélish yighini bilen bashlan'ghan bolup, wilayetlik metbu'atlarda bu xewerlerge orun bérilgen. Türkiyining trabzon we bursa wilayetliride "sherqiy türkistanda xitay zulumi" namliq körgezmini uyushturghan, "kökbayraq" zhornilining trabzondiki tarqitish wekili janer qara we sherqiy türkistan yashliri teshkilat mes'uli tebet yüjetürk ependiler bilen söhbet élip barduq. Janer qara ependi bu körgezmilerge türk xelqining bekla qiziqiwatqanliqi, xitay hökümitining Uyghurlargha élip bériwatqan insan qélipidin chiqqan siyasitini dunyagha we türk ellirige  anglitishta intayin muhim ehmiyetke ige ikenliki, shundaqla bu körgezmini türkiyining bashqa 13 wilayiti we azerbayjandimu ötküzüshni pilanlawatqanliqini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet