`Хитайниң демократийилишиши үчүн күрәш вә үмид` намлиқ әсәр японийидә нәшрдин чиқти

`Тйәнәнмин вәқәсидин 2008, хитайниң демократийилишиши үчүн күрәш вә үмид` намлиқ китаб хитай язғучиси лю янзи тәрипидин рәтлинип, хитай тилида йезилди вә япон тилиға тәрҗимә чилинип нәширдин чиқти
Ихтийари мухбиримиз әркин тарим
2010.11.26
xitayning-demokratlishishi-305.jpg Китабниң муқависи
Photo: RFA

 `Тйәнәнмин вәқәсидин 2008, хитайниң демократийилишиши үчүн күрәш вә үмид` намлиқ китаб һазир японийидә яшаватқан бейҗиңлиқ хитай язғучиси лю янзи тәрипидин рәтлинип, хитай тилида йезилип, япон тилиға тәрҗимә қилинған болуп, фуҗибара нәшрияти тәрипидин 10-айниң 30-күни нәшрдин чиққан. Қисқиғинә вақит ичидә  3-қетим нәшр қилинған бу китаб җәмий 315 бәт вә 4 баптин тәркип тапқан. Китабниң ички муқависиға  лю шявбониң тәрҗимиһали берилгән. Китабта асаслиқи аптор лю шявбо тйәнәнмин вәқәси һәққидә тәпсилий мәлумат бериш билән биргә, китабниң 3-бапида хитайдики аз санлиқ милләтләргә қандақ сиясәт йүргүзүш вә уларға өз тәқдирини өзи бәлгиләш һоқуқини бериш һәққидә мәлумат берилгән. Бу китаб японийидә нәшр қилинғандин кейин зор тәсир қозғиған.

 Һазир японийә мәтбуатлирида бу һәқтә муназириләр давамлашмақта икән. Болупму тибәт, уйғур вә моңғулларниң тәқдири һәққидә китабда немиләр йезилған, японийидә бу һәқтә немә муназириләр болмақта дегәнгә охшаш соалларға җаваб тепиш үчүн кагошима хәлқара үниверситети оқутқучиси доктор һаҗи қутлуқ қадири билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.