Zeherlik achchiqsuni ishletken lengpungchi bilen söhbet

12 Kishining ölümi, yüz nechche kishining zeherlinishi 27 ming nopusluq sanju yézisigha nisbeten éytqanda, tolimu zor we paji'elik bir weqedur. Ziyankeshlikke uchrighuchilarning hemmisi, yéza baziridiki mutellip berdi isimlik bir lengpungchidin lengpung yigen yaki uningdin achchiqsu alghan. Bügün muxbirimiz mezkur lengpungchi mutellip berdi bilen téléfon söhbiti ötküzüp, weqening shu künki jeryani we aqiwiti heqqide melumat igilidi.
Muxbirimiz shöhret hoshur
2011.11.24
achchiqsu-lengpung-305 Zeherlik achchiqsu
Public Domain
audio
Anglash Awazni köchürüsh

Mutellip berdining bildürüshiche, u dukinini chüsh sa'et 11 - 12 mezgilide achqan. Sa'et 6 mezgilide ishlitiwatqan achchiq süyi axirliship, bazardiki yémek - ichmek top tarqitish merkizidin 20 kilo achchiqsu ekelgen we kech sa'et 10 gha qeder bolghan ariliqta 200 etrapida kishige lengpung satqan. U ikkinchi qétim ekelgen achchiqsuni ishletken lengpungni yégen xéridarlarning hemmisi dégüdek zeherlen'gen. Mutellip berdining atixan isimlik bir tuqqinimu zeherlinip ölgen. Shu bazarda xoshang sétiwatqan toxtixan, mutellip berdidin achchiqsu élip xoshang yégenliki üchün umu zeherlinip ölgen. Mutellip berdi öz xéridarlirigha, yéqinlirigha we tuqqanlirigha öz qoli bilen zeher tarqatqanliqini etisi etigende yézining saqchi xadimliri ishiki tüwide peyda bolghandila bilgen. U jawabkar gumandari süpitide yéziliq saqchixanida 2 kün, nahiyilik qamaqxanida 30 kün tutup turulup képillikke qoyuwétilgen, tijarettin toxtitilghan. Bu söhbetning tepsilatini yuqiridiki ulinishtin anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.