London Uyghur ansambili teywende oyun qoydi

London Uyghur ansambili bu ayning 30 - küni (yekshenbe küni) teywende ötküzülüwatqan 2010 - yilliq "yipek yoli bayrimi" gha qatniship, sen'et nomurlirini körsetti . Bu sen'et bayrimigha mongghuliye, iran we ereb döletliridin kelgen sen'et guruppiliri hem muzika tetqiqatchiliri qatnashqan.
Muxbirimiz erkin tarim
2010.05.31
rahime-we-Raychal-Herris-taywanda-305.jpg Süret, london uyghur ansambilining 30 - küni teywende ötküzülüwatqan 2010 - yilliq "yipek yoli bayrimi" da senet nomurlirini körsitiwatqan körünüshlerdin biri.
Süretni london uyghur ansambili teminligen.
u0531-erkin.mp3
Anglash Awazni köchürüsh

Bu pa'aliyetke ürümchidinmu sen'etchiler teklip qilin'ghan bolup, xitay hökümiti ularning chet'elge chiqishigha ruxset qilmighan iken. 5 - Ayning 30 - künidin, 6 - ayning 5 - künigiche dawamlishidighan "yipek yoli sen'et bayrimi"da Uyghur naxsha usulliridin örnek körsitilgendin bashqa yene Uyghur on ikki muqami heqqide tetqiqat élip bériwatqan london uniwérsitéti asiya we afriqa institutining muzika oqutquchisi london Uyghur ansambilining qurghuchisi dr. Réychél xaris xanim Uyghur muzikisi heqqide léksiye sözleydiken.

London Uyghur ansambiligha wakaliten mezkur pa'aliyetke rehime xanimmu qatnashqan bolup, u Uyghur naxshiliridin ariyeler sunidiken.

Ularning sen'et nomurlirini orundishigha Uyghurche milliy muzika eswablirini chélishni ögen'gen ikki neper teywenlikmu hemkarlashqan.

Rehime xanim teywenning paytexti taybéyde ötküzülüwatqan yipek yoli sen'et bayrimi heqqide tepsiliy toxtaldi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.