Шәрқий түркистан маарип вә һәмкарлиқ җәмийити мәсуллири түркийә дөләт мәҗлисини зиярәт қилди

2008 ‏ - Йили 16 ‏ - 17 ‏ - өктәбир күнлири мәркизи истанбулға җайлашқан шәрқий түркистан маарип вә һәмкарлиқ җәмийитиниң муавин башлиқи һидайәтуллаһ оғузхан баш катипи доктор алимҗан атавулла қатарлиқ мәсуллар хизмәт мунасивити билән түркийиниң пайтәхти әнқәрәни зиярәт қилди.
Мухбиримиз арслан
2008.10.23
Turk-parlament-maarip-305.jpg 2008 ‏ - Йили 16 ‏ - 17 ‏ - өктәбир күнлири мәркизи истанбулға җайлашқан шәрқий түркистан маарип вә һәмкарлиқ җәмийитиниң муавин башлиқи һидайәтуллаһ оғузхан баш катипи доктор алимҗан атавулла қатарлиқ мәсуллар хизмәт мунасивити билән түркийиниң пайтәхти әнқәрәни зийарәт қилип, саадәт партийисиниң рәиси риҗаий қутан билән учришип уйғурларниң нөвәттики вәзийитидин мәлумат бәрди вә шәрқий түркистан мәсилиси һәққидә пикир алмаштурди.
RFA Photo / Arslan

Зиярәт җәрянида түркийә милләт вәкиллири, парламент әзалири, партийә рәислири, идарә - орган башлиқлири билән учришип уйғурларниң нөвәттики вәзийитидин мәлумат бәрди вә уйғурларниң нөвәттики мәсилилири һәққидә сөһбәт елип барди. Шәрқий түркистан маарип вә һәмкарлиқ җәмийити тәрипидин һазирланған 2008 ‏ - йиллиқ шәрқий түркистан доклатини сунди.

Игилишимизчә шәрқий түркистан маарип вә һәмкарлиқ җәмийитиниң муавин башлиқи һидайәтуллаһ оғузхан, баш катип доктор алимҗан атавуллаһ түркийә дөләт мәҗлис залида исмини ашкарилашни халимиған бир қанчә түркийә парламент әзалири билән учришип уйғурларниң нөвәттики вәзийитидин мәлумат бәрди вә түркийә ‏ - хитай билән елип бериватқан дипломатийә мунасивәтлиридә шәрқий түркистанни көз алдиға қоюп туруп мунасивәт қилишни тәләп қилди.

Кейин улар саадәт партийисини зиярәт қилип, саадәт партийисиниң рәиси риҗаий қутан билән учришип уйғурларниң нөвәттики вәзийитидин мәлумат бәрди вә шәрқий түркистан мәсилиси һәққидә пикир алмаштурди. Униңдин башқа йәнә түрк җәмийәтлири вәхпиниң баш катипи профессор, доктор орхан билән учришип шәрқий түркистан мәсилилири һәққидә сөһбәтләшти. Һәмдә шәрқий түркистан маарип вә һәмкарлиқ җәмийити тәрипидин һазирланған 2008 ‏ - йиллиқ шәрқий түркистан доклатини сунди.

Биз бу һәқтә толуқ мәлуматқа еришиш үчүн шәрқий түркистан маарип вә һәмкарлиқ җәмийитиниң муавин башлиқи һидайәтуллаһ оғузхан әпәндини зиярәт қилип сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.