Sherqiy türkistan ma'arip we hemkarliq jem'iyiti mes'ulliri türkiye dölet mejlisini ziyaret qildi

2008 ‏ - Yili 16 ‏ - 17 ‏ - öktebir künliri merkizi istanbulgha jaylashqan sherqiy türkistan ma'arip we hemkarliq jem'iyitining mu'awin bashliqi hidayetullah oghuzxan bash katipi doktor alimjan atawulla qatarliq mes'ullar xizmet munasiwiti bilen türkiyining paytexti enqereni ziyaret qildi.
Muxbirimiz arslan
2008-10-23
Share
Turk-parlament-maarip-305.jpg 2008 ‏ - Yili 16 ‏ - 17 ‏ - öktebir künliri merkizi istanbulgha jaylashqan sherqiy türkistan maarip we hemkarliq jemiyitining muawin bashliqi hidayetullah oghuzxan bash katipi doktor alimjan atawulla qatarliq mesullar xizmet munasiwiti bilen türkiyining paytexti enqereni ziyaret qilip, saadet partiyisining reisi rijaiy qutan bilen uchriship uyghurlarning nöwettiki weziyitidin melumat berdi we sherqiy türkistan mesilisi heqqide pikir almashturdi.
RFA Photo / Arslan

Ziyaret jeryanida türkiye millet wekilliri, parlamént ezaliri, partiye re'isliri, idare - organ bashliqliri bilen uchriship Uyghurlarning nöwettiki weziyitidin melumat berdi we Uyghurlarning nöwettiki mesililiri heqqide söhbet élip bardi. Sherqiy türkistan ma'arip we hemkarliq jem'iyiti teripidin hazirlan'ghan 2008 ‏ - yilliq sherqiy türkistan doklatini sundi.

Igilishimizche sherqiy türkistan ma'arip we hemkarliq jem'iyitining mu'awin bashliqi hidayetullah oghuzxan, bash katip doktor alimjan atawullah türkiye dölet mejlis zalida ismini ashkarilashni xalimighan bir qanche türkiye parlamént ezaliri bilen uchriship Uyghurlarning nöwettiki weziyitidin melumat berdi we türkiye ‏ - xitay bilen élip bériwatqan diplomatiye munasiwetliride sherqiy türkistanni köz aldigha qoyup turup munasiwet qilishni telep qildi.

Kéyin ular sa'adet partiyisini ziyaret qilip, sa'adet partiyisining re'isi rija'iy qutan bilen uchriship Uyghurlarning nöwettiki weziyitidin melumat berdi we sherqiy türkistan mesilisi heqqide pikir almashturdi. Uningdin bashqa yene türk jemiyetliri wexpining bash katipi proféssor, doktor orxan bilen uchriship sherqiy türkistan mesililiri heqqide söhbetleshti. Hemde sherqiy türkistan ma'arip we hemkarliq jem'iyiti teripidin hazirlan'ghan 2008 ‏ - yilliq sherqiy türkistan doklatini sundi.

Biz bu heqte toluq melumatqa érishish üchün sherqiy türkistan ma'arip we hemkarliq jem'iyitining mu'awin bashliqi hidayetullah oghuzxan ependini ziyaret qilip söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet