Sherqiy türkistan ma'arip we hemkarliq jem'iyitining mes'ulliri shiwétsiye parlamént ezasi mehmet qaplan ependi bilen uchrashti

Süret, sherqiy türkistan maarip we hemkarliq jemiyitining bashliqi hidayetullah oghuzxan we bash katip doktor alimjan atawulla qatarliq mesulliridin terkip tapqan 2 kishilik heyetning, 2010 ‏- yili 4 ‏- ayning 12 ‏- künidin 26 ‏- künigiche 2 heptilik yawropagha ziyaritining bash békiti shwétsiyede, shwétsiye parlamént ezasi mehmet qaplan ependi bilen söhbetlishiwatqan körünüshlerdin biri.

Bu jeryanda ular kélip chiqishi türk bolghan shiwétsiye parlamént ezasi mehmet qaplan ependining teklipige bina'en aldi bilen shwétsiyining paytexti sitokholm shehirige bardi.

Shiwétsiye ularning yawropa ziyaritining birinchi békiti bolup, ular ziyaritining 1 - küni shwétsiyide yashawatqan Uyghurlar we shiwétsiye Uyghur ma'arip uyushmisining mes'ulliri bilen uchriship pikir almashturdi,  kéyin shwétsiye parlamént ezasi mehmet qaplan ependi bilen uning palarménttiki ishxanisida uchriship sherqiy türkistan mesilisi heqqide doklat berdi, shundaqla Uyghurlar we sherqiy türkistan mesilisi heqqide pikir almashturdi.

Hidayetullah ependining bildürüshiche, shwétsiye parlamént ezasi mehmet qaplan ependi, sherqiy türkistan mesilisini shwétsiye parlaménti we yawropaning küntertipige keltürüsh meqsitide, shwétsiye parlaméntida Uyghur dostluq guruppisi qurghan we shiwétsiye parlamént ezalirining bu guruppigha eza bolushlirini telep qilghanliqini bildürgen.

Hidayetullah oghuzxan we doktor alimjan qatarliq mes'ullardin terkip tapqan hey'et yene shwétsiyidiki türk ammiwi teshkilatlarning merkezlirini , xelq'ara islam jem'iyitini ziyaret qilip, u jem'iyetlerning mes'ulliri bilen sherqiy türkistan heqqide söhbet élip bardi.

Hidayetullah oghuzxan we doktor alimjan yene teqwa türk jem'iyiti qatarliq ammiwi teshkilatlar uyushturghan yighin'gha teklip bilen qatniship, yighinda Uyghurlar we sherqiy türkistan heqqide söz qildi.

Ular yene norwigiye, finlandiye qatarliq döletlerni ziyaret qilip u döletlerdiki Uyghurlar we sherqiy türkistan ammiwi teshkilat mes'ulliri bilen uchriship pikir almashturdi.

Hidayetullah oghuzxan we doktor alimjan yawrupa ziyaretning nöwettiki programmisi boyiche gollandiye we gérmaniye qatarliq döletlerni ziyaret qilish üchün shwétsiyidin yürüp ketti.

Biz bu heqte melumat élish üchün sherqiy türkistan ma'arip we hemkarliq jem'iyitimizning bashliqi hidayetullah oghuzxan we bash katip doktor alim ependiler bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.