Majarlar bilen Uyghurlar budapéshtta hun qurultiyi ötküzdi (2)

Wén'griyide majarlar hun qurultiyi ötküzdi. Bu hun qurultiyigha Uyghurlar özining naxsha-usul sen'itinila emes, belki Uyghur ta'amlirinimu bille élip keldi.
Muxbirimiz weli
2011.08.16
Share on WhatsApp
Share on WhatsApp
Dunya-Hunlar-Qurultiyi-at-mahariti-305 Süret, budapéshtta ötküzülgen 2010‏ - yilliq hunlar qurultiyida, özlirini hun ewladi dep bilidighan majarlarning atliq eskerliridin bir körünüsh.
RFA Photo / Kurban Weli

Wén'griyining budapésht shehiride 8‏-ayning 12‏-künidin 15‏-künige qeder hun qurultiyi ötküzüldi. “Qurultay” dégen miladidin ilgiri honlar her yili 8‏-ayda yaylaqqa toplinip, özlirining at we jeng maharetlirini körsitip, pütün milletni baturluqqa yétekleydighan milliy pa'aliyet (yaylaq meshripi) tin qalghan en'ene. Bu pa'aliyetni honlar eyni zamanlarda “Qurultay” dep ataytti.

Hun seltenetlirining tarixiy mirasi bolup qalghan wén'griye döliti (esli hun'gariye, rus tilida h tawushi bolmighachqa wén'griye dep atilip qalghan) de yashaydighan asasi millet---mexmud qeshqiri türkiy tillar diwanida bayan qilip ötken majarlar, bu yilqi hun qurultiyigha Uyghurlarni teklip qildi.

Bu hun qurultiyi heqqidiki ehwallarni qurultaygha qatnishiwatqan Uyghurlardin anglayli.

Shwétsiyidin kelgen bextigül xanim majarlar ötküzgen hun qurultiyi heqqidiki tesiratini sözlep berdi. Uning qarishiche, majarlar bizning qedimki hun dewridiki medeniyet bilen jasaret we kéyim-shekil mujessemlen'gen en'enini izchil saqlap kéliwétiptu. Ayallarning erler bilen bir septe jeng qilidighan chewendazliq maharetliri, bextigül xanimda nahayiti chongqur tesir qaldurghan.

Bextigül xanimning éytishiche, bu qétimqi hun qurultiyida mezzilik Uyghur ta'amliri we samawarda qaynap turghan Uyghur chayliri intayin zor alqishqa érishken. Uyghur muzika usulliri qurultay sehnisini lerzige salghan. Majarlar bilen Uyghurlar hazirqi medeniyet perqi heqqide öz-ara sözliship köp izdinip, uningdin ortaqliqlarni bille rawajlandurushqa tirishqan.

Bextigül xanimning éytishiche, bu hun qurultiyida, majarlar meshhur muzikant, naxshichi merhum küresh küsenning CD tewerrüklirini qobul qilghan. Atilla isimlik saray achqan bir majar ependi, bizning wetinimizning derwazisi Uyghurlar üchün ochuq, dégen.

Ümid agahining éytishiche, majarlar Uyghurlardin budapéshtta Uyghur ashxaniliri échishni tewsiye qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet