Анатолийә мәдәнийәт байримида шәрқий түркистан бөлүми көп екскурсийә қилинмақта

Түрк дунясиниң әң катта учришишлиридин бири болған 8-нөвәтлик хәлқаралиқ анатолийә мәдәнийәт вә сәнәт байриминиң 3-вә 4-күнлири уйғур бөлүми екскурсийә қилғучилар билән толуп ташти.
Ихтиярий мухбиримиз әркин тарим
2011.09.15
anatoliye-medeniyet-bayrimida-turkiye-305.jpg (Оңдин солға) район башлиқи әнвәр дәмирәл, мһп муавин башлиқи рәшат доғру, азәрбайҗан әлчиси фаик багировлар шәрқий түркистан бөлүмини екскурсийә қилди. 2-11-Йили сентәбир.
RFA/Erkin Tarim

Бу мәдәнийәт-сәнәт байрими әнқәрәниң ғәрбигә җайлашқан әтимәсқут районидики чоң бир мәйданда өткүзүлмәктә. Мәйданниң әтрапида түркийиниң 35 вилайитидин кәлгән җәмийәт вә вәқипләр ачқан бөлүмләр бар болуп, бу бөлүмләрдә шу районниң өрп-адәт вә мәдәнийәтлири әкс әттүрүлгән буюмлар һәм йемәк-ичмәкләр сетилмақта.

chong-kökbayraq-turkiye-385.jpg
8-Нөвәтлик хәлқаралиқ анатолийә мәдәнийәт вә сәнәт байримида көк байрақ. 2011-Йили сентәбир.
RFA/Erkin Tarim

Булардин башқа әзәрбәйҗан, түркмәнистан, қазақистан, қирғизистан, ирақ түркмәнлири, татарлар вә уйғурларму бөлүм ечип өз дөлити вә миллий өрп-адәтлирини тонуштурмақта. Шәрқий түркистан бөлүмини бүгүнгичә көп санда аммиви тәшкилат мәсуллири, оқутқучи-оқуғучилар вә амма екскурсийә қилип хатирә рәсими чүшкәндин башқа, шәрқий түркистан һәққидә мәлумат алди. Бу икки күн ичидә шәрқий түркистан бөлүмини әзәрбәйҗан баш әлчиси фаик багироф, қазақистанниң әнқәрәдә турушлуқ баш әлчиси җансейит түймабайев, демократ лар партийисиниң рәиси намиқ кемал зәйбәк, милләтчи һәрикәт партийисиниң муавин рәиси доктор решат доғру, сабиқ дөләт министири корай айдин вә әтимәсқут районлуқ һөкүмәт рәиси әнивәр дәмирәл қатарлиқ кишиләр зиярәт қилди.

Биз бу җәрянда 8 йилдин бери бу фестивални уюштуруватқан әнқәрә әтимәсқут районлуқ һөкүмәтниң башлиқи әнивәр дәмирәл әпәнди вә шәрқий түркистан бөлүмини ачқан шәрқий түркистан мәдәнийәт вә һәмкарлиқ җәмийити әнқәрә шөбиси башлиқи хәйруллаһ әпәнди һәм бөлүмни айлиниватқан кишиләргә микрафонимизни узаттуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.