Мәдинә шәһиридики ислам университети

Сәуди әрәбистаниниң мәдинә мунәввәрә шәһиридики " ислам университети" 1961 - йили сәуди әрәбистани падишаһлиқи тәрипидин қурулған хәлқаралиқ мәшһур университетләрниң бири болуп, қурулғандин таһазирғичә дуняниң һәр қайси җайлиридин кәлгән нәччә йүз миңлиған мусулман пәрзәнтлирини исламий илимләрдә тәрбийиләп, йетиштүрүп кәлмәктә.
Мухбиримиз өмәрҗан тохти
2009-11-10
Share

Һөрмәтлик оқурмәнләр, төвәндә мәзкур университетниң "һәдис илимлири факултетини" пүттүргәндин кейин, сәуди әрәбистани радиосиниң уйғур болүмидә хизмәт қиливатқан абдуләзиз әпәнди билән елип барған сөһбитимизни диққитиңлаға сунимиз.

Абдуләзиз әпәнди билән сөһбәт

Абдуләзиз әпәнди мәдинә мунәввәрә шәһиридики " ислам университети" тонуштуруп мундақ диди:" ислам университети бәш чоң факултетни өз ичигә алған болуп, "шәриәт билимлири факултети"," әтиқад билимлири факултети", қуран кәрим вә ислами билимләр факултети", " һәдис илимлири факултети"вә " әрәб тили факултети" қатарлиқлардин ибарәттур. Бу университетларниң һәр биридә бир қанчидин бөлүмләр болуп, һәр хил тәхәссусларға болүниду. Ислам университети юқириқи бәш чоң факултеттин башқа, әрәб тилида сөзлимәйдиған хәлқләрниң балилириниң әрәб тилидин савадини чиқириш инисттотлири бардур. Чәтәллик оқуғучилар аввал бу инисттотларда әрәб тилини яхши өгинип болғандин кейин, андин һәр қайси факултетларға чүшиду. Мундин башқа толуқ вә толуқсиз оттура мәктәб синиплириму бар."

Ислам универтети беридиған унванлар

Абдуләзиз әпәнди мәдинә мунәввәрә шәһиридики ислам университетидин берилидиған унванлар вә оқуғучиларниң турмуш әһвали һәққидә тохтилип мундақ диди:" ислам университети оқуғучиларға баклавурлуқ, магистерлиқ вә докторлуқ унванлирини бериду. Ислам университети дунянин һәрқайси җайлиридин кәлгән оқуғучиларни һәқсиз оқутиду. Уларниң йемәк-ичмәк вә ятақлирини тәмин етиштин башқа, уларға айлиқ хираҗәт пули бериду. Докторлуқ вә магистерлиқ оқуватқанларға 240 доллар, һәр қайси факултетларда оқуватқанларға 226доллар, инисттотларда оқуватқанларға 100доллар, оттура мәктәбләрдә оқуватқанларға 80 доллар миқдарида айлиқ хираҗәт пули бериду. Чәтәллик оқуғучиларға һәр йили бир қетим вәтинигә берип келиш билити елип бериду.

Ислам университетидики уйғур оқуғучилар

Абдуләзиз әпәнди ислам университетидики оқугучилар сани һәққидә сориған соалимизға мундақ дәп җаваб бәрди:" мәдинә мунәввәрә шәһиридики ислам униввиерситетида 8 миңдин көпрәк бала оқуйду. Улардин 5 миңи чәтәлликләр, 3 миңи сәуди әрәбистанлиқ оқуғучиларни тәшкил қилиду. Әмма бу университеттики шәрқи түркистанлиқ уйғур оқуғучиларни сани 60 тин ашиду. Қазақистандин кәлгән уйғур оқуғучиларниң сани 20 гә йетиду. Һәр йили 10ға йеқин уйғур оқуш пүттүрсә, йәнә 10ға йеқин йеңи уйғур оқуғучи оқуш башлайду. Оттура асия җүмһурийәтлири вә русийидин кәлгән оқуғучиларниң омумий сани 200 дин ашиду. Бу университетта 160 доләттин кәлгән оқуғучилар бар."

Пикирләр (1)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт