Mekkide Uyghur oqughuchi qizlarni mukapatlash murasimi ötküzüldi

2010 - Yili 17 - iyul küni se'udi erebistanining mekke mukerreme shehiride, se'udi erebistanida yerliship qalghan Uyghurlarning herqaysi mekteplerde oquwatqan qiz baliliridin alahide utuq qazan'ghanlarni mukapatlash murasimi bolup ötti. Bu murasim se'udi erebistanidiki Uyghurlarning tunji qétim ötküzgen murasimi bolup, uninggha se'udi erebistanining jidde we mekke sheherliridin 500din köprek xanim - qizlar ishtirak qildi. Murasimgha ulugh mujahid muhemmed emin bughraning sepdashliridin bolghan merhum alim hajimning newrisi wetenperwer zat abdulla alim türkistanining ayali, eyni waqitta jidde sheherlik qizlar ottura mektipining mudiri amine xanim bilen se'udi erebistan radi'osi türkistan bölümining diktori wetenperwer ustaz sirajiddin ezizining ayali meghpiret xanimlar riyasetchilik qildi.
Ixtiyari muxbirimiz ömerjan
2010.08.04
Awaz
Anglash Awazni köchürüsh

Murasim asasen Uyghur perzentlirige Uyghurlarning örp - adetlirini, toy - tökün qa'idilirini ögitish, Uyghur tiligha ehmiyet bérishning zörürlükini bildürüsh we Uyghur perzentlirini bir - birige tonushturush we ularning ana wetenni unutmasliqini tewsiye qilish meqsitide ötküzüldi.

Töwende bu murasimning ishtirakchiliridin bolghan nurilem xanimning murasim heqqide éytqanlirini diqqitinglargha teqdim qilimiz. Nurilem xanim mundaq dédi:

“ Bu murasim Uyghur qérindashlirimiz bilen tonushushimiz üchün chong purset boldi. Mekkide shunchilik köp Uyghurlarning barliqidin heyran bolduq. Murasimda hede - singil qizlirimizgha Uyghurlarning milliy kiyimliri kiygüzülgen bolup, murasimda sözlen'gen sözler we éytilghan naxshilar sap Uyghur tilida boldi. Murasimda oyunlarni körsetken qizlarning Uyghurche éytqan naxshiliri hemmimizni qattiq hayajan'gha saldi. Uyghurlarning tarixi tonutuldi. Uyghurlarning qur'an kerimge bolghan hörmiti we peyghembirimizge bolghan muhebbiti gewdilendürüldi. Qur'an kerimni toluq yadqa alghan we émtihanda utuq qazan'ghan qizlargha shundaqla bu murasmda xizmet körsetkenlerge mukapat tarqitildi. Murasimda Uyghurlarning ata - anisini qandaq hörmetleydighanliqi heqqide shé'irlar oquldi. Uyghurlarning toy - merikilirining qandaq bolidighanliqi estilip ötüldi. Bu murasimning meqsiti bizning Uyghur bolghanliqimizni untup qalmasliq, örp - adetlirimizni untup qalmasliq we perzentlirimizge ögitish, tilimizni, dinimizni saqlashqa tewsiye qilishtin ibaret boldi.”

Yuqiridiki ulinishtin bu progirammining tepsilatini anglighaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.