Özige ot qoyghan memet tursun bilen enqere nemune doxturxanisida söhbet

8 - Awghust küni xitayning enqerede turushluq elchixanisining aldida ötküzülgen namayishta özige ot qoyghan memet tursun ependining bedini éghir derijide köygen bolghachqa bügün'giche xudini yoqatqan halda enqerediki nemune doxturxanisining yataqxanisida dawaliniwatqan idi.
Muxbirimiz erkin tarim xewiri
2008.08.11
Share on WhatsApp
Share on WhatsApp
memet-tursun-ankara-namayishida-305 Süret, 8 - awghust künidiki namayishta özige bénzin chéchip ot qoyuwetken memet tursun uyghur türkoghli "yashisun sherqi türkistan!" dep tawlimaqta. Éghir yaridar bolghan memet tursun ependi qutuldurush mashinisi bilen doxturxanigha élip kétilgen. Memet tursun ependi 4 - ayning 3 - küni istanbulda olimpik meshilini öchürüshke temshilip muweppeqiyetlik bolalmighan iken.
AFP Photo

 Memet tursun ependi 11 - awghust künidin tartip, közini échip tamaq yéyishke, kishiler bilen söhbet qilishqa bashlidi. Uni dawalawatqan doxturning éytishiche, memet tursun ottura derijide köygen bolup, uzun qalmay yataqtin chiqidiken.

Memet tursun ependi enqerediki nemune doxturxanisidiki yataqta ziyaritimizni qobul qildi. U bu namayishta özige ot qoyushtiki meqsiti üstide toxtilip, öz wetini sherqiy türkistanning 60 yildin béri xitayning ishghaliyiti astida ikenlikini, sherqiy türkistan xelqining 60 yildin béri xitayning zulumi astida köyüwatqanliqini pütün dunya jama'etchilikige anglitish, shundaqla öz wetini üchün jénini péda qilalaydighan Uyghurlarningmu barliqini körsitish hemde Uyghur xelqighe ümid bérish üchün özige ot qoyghanliqini éytti.

Memet tursun ependi 1968 - yili Uyghur diyarining kucha shehiride tughulghan bolup, bu yil 40 yashqa kirgen. Uning 3 balisi bar bolup istanbulning zeytinburnu rayonida turidu. Uning "shenlik Uyghur magizini" namida bir dukini bar bolup, aran turmushini qamdap yashimaqta. Memet tursun ependi türkiyige kélip 6 yildin kéyin ayilini, 9 yildin kéyin 2 balisini wetendin élip chiqalighan.

Memet tursun bilen nemune doxturxanisidiki yataqta söhbet élip barduq. Yuqiridiki awaz ulinishidin, bu heqtiki ziyaritimizning tepsilatini diqqitinglargha sunimiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet