Йәмән вәзийити һәққидә йеңи учурлар

Йәмәнликләр намайишни кейинрәк башлиған болсиму, ахирқи ғәлибини қолға кәлтүрмәстин қайтмаслиқ ирадиси билән йолға чиқип, йәмән рәиси ели абдулла салиһни қийин әһвалға чүшүрүп қойди. Һазир дуняниң көзи ливийә билән йәмәндә болмақта.

Йәмәндә һәрбий һаләт елан қилинди

Қатарниң “әл җәзирә” телевизийә қанилиниң йәмән пайтәхти сана шәһиридики мухбири әһмәд шәләфи 23-март чаршәнбә күни санадин бәргән баянатида мундақ деди: йәмән рәиси ели абдулла салиһ дөләтниң һәр қайси шәһәрлиридә һәрбий һаләт елан қилғандин кейин, намайишчилар униңға қаттиқ наразилиқ билдүрди вә намайишни давам қилдурди.

Йәмән рәисиниң 2012-йил киргәнгә қәдәр мәнсипини давамлаштуруш тәклипини намайишчилар қәтийлик билән рәт қилди вә униң дәрһал тәхттин чүшүп кетишини тәләп қилди. Намайишчиларниң мәсуллириниң баянатлириға асасланғанда, әслидә йәмән рәиси қолиға кәлгән пурсәтни кәттүрүп қойған болуп, өткән һәптә йәмәнниң катта өлималири бирлишип йәмән рәиси ели абдулла салиһни 2012-йилиниң кириши билән тәң тәхттин чүшүп беришкә хәлқи аләм алдида вәдә беришкә тәклип қилған болсиму, йәмән рәиси бу тәклипни қобул қилмастин, өзиниң 2013-йили рәислик сайлими болғанға қәдәр тәхттин чүшмәйдиғанлиқини сөзләп чиң турған иди.

Әмди мана өзи рәт қилған тәклипни қобул қилишқа көнгән вақтида намайишчилар уни рәт қилди вә уни дәрһал тәхттин чүшүшкә чақирди. Намайишчилар ели абдулла салиһниң һечқандақ тәклипини қобул қилмайдиғанлиқини очуқ оттуриға қойди.

Йәмән армийиси намайишчилар тәрәпкә өтүп кәтти

“әл җәзирә” телевизийә қанилиниң хәвиригә қариғанда, йәмән дөләт армийиси сепидики қоманданларниң көп санлиқи қол астидики әскәрлири билән бирликтә намайишчиларға қошулуп кәткән.

Һөкүмәт органлиридики ишчи-хизмәтчиләрму иш ташлап хәлқ тәрәпкә өткән. Һәтта, һәр қайси дөләтләрдики йәмән баш әлчилиридинму көп кишиләр өзлириниң намайишчи хәлқ тәрәптә туридиғанлиқини елан қилип, йәмән рәисидин йүз өрүгән.

Йәмән рәиси ели абдулла салиһ намайишчи хәлқни худди казафийға охшаш ички уруш қозғаш тәһдити билән қорқутушқа урунған. Әмма, хәлқ өзлириниң рәисниң оюниға кәлмәйдиғанлиқини сөзләп ахирқи ғәлибә үчүн чидамлиқ көрситидиғанлиқини ипадилимәктә икән.