مەرھۇم مىللەتپەرۋەر مۇسۇل ھاجى مۇھىتى ھەققىدە

8 - ئاينىڭ 19 - كۈنى ئۇيغۇر يېڭى مائارىپىغا ئاساس سالغۇچىلاردىن بىرى مۇسۇل ھاجى مۇھىتىنىڭ ۋاپات بولغان خاتىرە كۈنى. سابىق شەرقىي تۈركىستان ئىسلام جۇمھۇرىيىتىنىڭ مۇداپىيە مىنىستىرى مەخمۇت مۇھىتىنىڭ ئاكىسى مەرھۇم مۇسۇل ھاجى مۇھىتى 1944 - يىلى 8 - ئاينىڭ 19 - كۈنى توكيودا ۋاپات بولۇپ، توكيودىكى مۇسۇلمانلار مازىرىغا دەپنە قىلىنغان.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻢ
2009.08.19
Musul-Muhitining-qewrisi-Yaponiye-305.jpg ﺳﯜﺭﻩﺕ، ﺳﺎﺑﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﻣﯘﺩﺍﭘﯩﻴﻪ ﻣﯩﻨﯩﺴﺘﯩﺮﻯ ﻣﻪﺧﻤﯘﺕ ﻣﯘﻫﯩﺘﯩﻨﯩﯔ ﺋﺎﻛﯩﺴﻰ ﻣﻪﺭﻫﯘﻡ ﻣﯘﺳﯘﻝ ﻫﺎﺟﻰ ﻣﯘﻫﯩﺘﯩﻨﯩﯔ ﻗﻪﺑﺮﯨﺴﻰ ﺑﻮﻟﯘﭖ، ﺋﯘ ﻛﯩﺸﻰ، 1944 - ﻳﯩﻠﻰ 8 - ﺋﺎﻳﻨﯩﯔ 19 - ﻛﯜﻧﻰ ﺗﻮﻛﻴﻮﺩﺍ ﯞﺍﭘﺎﺕ ﺑﻮﻟﯘﭖ، ﺗﻮﻛﻴﻮﺩﯨﻜﻰ ﻣﯘﺳﯘﻟﻤﺎﻧﻼﺭ ﻣﺎﺯﯨﺮﯨﻐﺎ ﺩﻩﭘﻨﻪ ﻗﯩﻠﯩﻨﻐﺎﻥ.
RFA Photo / Erkin Tarim

مۇسۇل ھاجى مۇھىتى 1877 - يىلى تۇرپان ئاستانىدا تۇغۇلغان. مۇسۇل ھاجى تۇرپانغا رۇسىيىدىن ئىلغار ماشىنا ۋە تېخنىكا ئۈسكۈنىلىرىنى كىرگۈزۈپ تۇنجى قېتىم پاختا زاۋۇتى قۇرغان.

ئاكىسى مەخمۇت مۇھىتى ۋاپات بولغاندىن كېيىن ياپونىيىدە ئۇيغۇر داۋاسىنى داۋام قىلدۇرغان مۇسۇل ھاجى مۇھىتى ھاياتىنىڭ ئاخىرىغىچە ئۇيغۇر دەۋاسىغا نۇرغۇن تۆھپىلەرنى قوشقان.

يېقىندىن بۇيان ياپونىيىدىكى ئۇيغۇر مۇتەخەسسىسلەر ئۇنىڭ ھاياتى ھەققىدىكى ماتېرىياللارنى تېپىپ رەتلەپ ئەسەر يېزىشقا تەييارلىق قىلماقتا.

مۇسۇل ھاجى مۇھىتىنىڭ ھاياتى ۋە ئۇنىڭ ئىش ئىزلىرى ھەققىدە تەتقىقات ئېلىپ بېرىۋاتقان ياپونىيە كاگۇشىما ئۇنىۋېرسىتېتى مۇتەخەسسىسى ھاجى قۇتلۇق قادىرى ئەپەندى زىيارىتىمىزنى قوبۇل قىلىپ بۇ ھەقتىكى كۆز قاراشلىرىنى ئوتتۇرىغا قويدى.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.