Уйғур рәссам мәрвайит һапиз ханимниң рәсим көргәзмиси ечилди

Германийиниң мюнхен шәһиридики пискологийә академийисиниң бинасида тонулған уйғур рәссам мәрвайит һапиз ханимниң рәсим көргәзмисиниң ечилиш мурасими өткүзүлди.
Ихтиярий мухбиримиз әркин тарим
2011-04-13
Share
merwayit-hapiz-tarixiy-resim-305.jpg Уйғур рәссам мәрвайит һапиз ханимниң рәсим көргәзмисидики тарихий рәсим. 2011-Йили 10-апрел, германийә.
RFA/Erkin Tarim

2011-Йили 4-айниң 10-күни чүштин кейин саәт 2 дә ечилған ечилиш мурасимиға, германийә замандаш рәссамлар җәмийитиниң рәиси кнутиңгәр әпәнди рәпиқиси билән қатнашқан вә сөз қилған. Кейин мюнхен пискологийә академийиси көргәзмә ишлириға мәсул мудири крүгәр әпәнди, адвокат алберт гориң әпәндиләр қатнашқан вә сөз қилған.

merwayit-hapiz-resim-korgezmisi-echilish-308.jpg
Уйғур рәссам мәрвайит һапиз ханимниң рәсим көргәзмиси ечилиш мурасими. 2011-Йили 10-апрел, германийә.
RFA/Erkin Tarim

Булардин башқа франсуз сәнәткар франкира ханим, немис рәссамлар, рәсим һәвәскарлири вә мюнхенда яшаватқан уйғурлардин болуп 200 әтрапида киши қатнашқан. 54 Парчә май бояқ рәсим көргәзмигә қоюлған болуп, рәсимләрниң көпидә, йипәк йолиниң әң муһим түгүнлиридин бири болған шәрқий түркистандики тарихи җайлар, уйғурларниң турмуши, мәдәнийити, өрп вә адити, карванлар, әң муһими уйғурларниң тарихи өйлири әкс әттүрүлгән. Көргәзмә җәмий 6 һәптә давам қилидикән.

merwayit-hapiz-resim-korgezmisi-echilish-murasimi-385.jpg
Уйғур рәссам мәрвайит һапиз ханимниң рәсим көргәзмиси ечилиш мурасими. 2011-Йили 10-апрел, германийә.
RFA/Erkin Tarim

Биз көргәзмә һәққидә техиму тәпсилий мәлумат елиш үчүн нәқ мәйданға телефон қилип, көргәзминиң ечилиш мурасимиға қатнашқан уйғур зиялийси барат қурбан вә рәссам мәрвайит һапиз ханимлар билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт