Хитай даирилири шаяр наһийисидики мәсчитләргиму қизил байрақ асти

Йеқинда игилигән учурларға асасланғанда, хитай даирилири шаяр наһийисидики мәсчитләргиму қизил байрақ асқан.
Ихтиярий мухбиримиз арслан
2011.09.12
meschit-qizil-bayraq-305.jpg Ават наһийисидики мәсчиткә хитай дөлитиниң байриқини есиш көрүнүши. 2011-Йили 9-авғуст.
www.awtdj.gov.cn

Шаяр наһийисиниң секретари имин заһир өзи биваситә башчилиқ қилип шаяр наһийә ичидики ханқа мәсчити, игәчи кочиси мәсчити, савурһаҗим мәсчити қатарлиқ пүткүл мәсчитләргә хитай дөлитиниң байриқини асқан. Қаршилиқ көрсәткән уйғур яшларни тутуп кәткән.

Исмини ашкарилашни халимайдиған бир уйғурниң дәп беришичә, имин заһир әсли кучалиқ болуп кучадин шаярға секретар болуп йөткәп келингән икән. Имин заһир йеқинда шаяр наһийисиниң һакимлиқиға намзат көрситилгән болуп, у актипчанлиқ билән хизмәт көрситиш үчүн юқириниң буйруқини алмастин өзи халиғанчә иш қилип, өйму өй ахтуруш елип берип, қуран кәрим қатарлиқ дини китабларни йиғивалған. Роза тутқан кадирларни иштин бошитивәткән, рамзан ейида ашхана ачмиған уйғурларниң ашханилириға печәт селип тақивәткән. Исмини ашкарилашни халимайдиған бир уйғур яшниң билдүрүшичә, имин заһир йиғивалған қуран кәрим қатарлиқ дини китабларни көйдүрүветиш еһтималлиқи бар икән.

Юқиридики аваз улинишидин тәпсилатини аңлиғайсиләр.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.