6 - Нөвәтлик түрк тили қурултийида мәһмут қәшқири

6 - Нөвәтлик хәлқаралиқ түрк тили қурултийи 10 - айниң 20 - күни түркийиниң пайтәхти әнқәрә шәһиридә рәсмий башланди. Қурултайниң ечилиш мурасимиға түркийә җумһурийәт рәиси абдуллаһ гүл, баш министир рәҗәп тайип әрдоған, дөләт министири мәмәт айдин қатарлиқлар қатнашти.
Мухбиримиз әркин тарим
2008-10-21
Share
Turkish-PM-Erdogan-305.jpg 6 - Нөвәтлик хәлқаралиқ түрк тили қурултийи ечилиш мурасимиға қатнашқан түркийә баш министир рәҗәп тайип әрдоған сөздә. Қурултай, 10 - айниң 20 - күни түркийиниң пайтәхти әнқәрә шәһиридә рәсмий башланди.
RFA Photo / Erkin Tarim

Бу қурултайға 34 дөләт вә райондин кәлгән 478 билим адими қатнашмақта. 1932 - Йилидин бери чақириватқан мәзкур қурултай 1988 - йилидин тартип 4 йилда бир қетим чақирилмақта. Бу қурултайда пәқәт түркчә һәққидә елип берилған тәтқиқатларла әмәс, пүтүн түркий тиллар һәққидә елип берилған тәтқиқатлар һәққидә мулаһизиләр елип берилиду.

6 - Нөвәтлик түрк тили қурултийи 2008 - йили мәһмут қәшқири йили мунасивити билән мәһмут қәшқиригә атап өткүзүлгән болуп, қурултайниң 1 - күни мәһмут қәшқири вә униң өлмәс әсири түркий тиллар дивани һәққидә елип берилған тәтқиқатлар оқуп өтүлди.

Бу қетимқи қурултайға уйғур билим адәмлиридин мәркизи милләтләр университети оқутқучиси профессор доктор абдуруп полат, молланияз, нургул, шундақла уйғур дияридин ислам шерип вә японийидин кәлгән қутлуқ әпәндиләр қатнашмақта. Уйғур билим адәмлириниң көпи мәһмут қәшқири вә униң әсәрлири һәққидә елип барған тәтқиқатлирини оттуриға қоюп өтти.

Бу қурултайда нуқтилиқ һалда түркий тилларниң, ана тилниң саплиқини қоғдап қелиштики роли тәкитләнди. Биз уйғур зиялийлири билән бу һәқтә сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт