Erkin sidiq: Uyghurlar öz xelqi üchün emeliy ish qilidighan ziyaliylargha mohtaj

Uyghur ziyaliylirining Uyghur kimliki we medeniyitini qoghdashtiki mes'uliyiti heqqide toxtalghan doktor erkin sidiq ependi Uyghur ziyaliylirining Uyghur kimliki we medeniyitini qoghdashta Uyghurlarning hörmitige érishken 50-60-yillardiki Uyghur ziyaliyliridin ülge élishi kéreklikini tekitlidi.
Muxbirimiz méhriban
2012-10-19
Share
Abbas-Borhan-we-hanimi-Mariya-Abliz-305.jpg Süret, merhum abbas burhan ependining ayali merhum mariya abliz xanim bilen 2000 - yili chüshken xatire süriti.
Süretni roshen abbas xanim teminligen.

Doktor erkin sidiq ependi “Uyghur ziyaliylirining Uyghur kimliki we medeniyitini qoghdashtiki mes'uliyiti” heqqidiki söhbette 50-60-yillardiki Uyghur ziyaliylirining xitayda élip bérilghan medeniyet zor inqilabi mezgilide her xil küresh we basturushlargha uchrighan, türmilerge tashlan'ghan bolsimu, emma ular 70-yillarning axiri xizmiti eslige keltürülüp, medeniyet ochaqlirigha qaytip kelgendin kéyin, weyran qilin'ghan milliy ma'arip, milliy medeniyet, milliy örp-adetlerni eslige keltürüshte awan'gartliq rolini oynap, 80-90-yillardiki Uyghur ma'aripi we medeniyitining güllinish dewrini yaratqanliqi heqqide toxtilip, Uyghurlarning milletperwer, xelqi üchün emeliy ish qilip bérishni öz burchi dep bilidighan ziyaliylargha mohtaj ikenlikini bildürdi.

Erkin sidiq ependi sözide bi'ologiye alimi abbas burhan ependining öz kespide netije qazan'ghan ilim ehli bolush bilen bille yene, 80-yillardiki Uyghur ma'aripi we medeniyitidiki güllinish weziyitining barliqqa kélishide özining emeliy küchi arqiliq töhpe yaratqan Uyghur ziyaliylirining biri ikenlikini ilgiri sürdi.

Erkin sidiq ependi sözide yene, nöwette Uyghur ziyaliylirining öz imkaniyiti yar bergen shara'ittin paydilinip, Uyghurlar üchün emeliy ish qilip bérishni özining burchi dep bilishi kéreklikini tekitlidi.

Erkin sidiq ependi Uyghurlar ichidiki emel ehlilirining Uyghur medeniyitini qoghdashta awan'gart rolini jari qildurushining ehmiyiti heqqide toxtilip, nöwette Uyghurlar yüzliniwatqan til, ma'arip we milliy medeniyet xirisqa uchrawatqan bir dewrde, ziyaliylarning Uyghur tili we medeniyitini qoghdashta élip barghan her bir emeliy ishining Uyghur tili we ma'aripining bundin kéyinki tereqqiyat yönilishide jümlidin Uyghur medeniyitini rawajlandurushta muhim ehmiyetke ige ikenlikini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet