Misirliqlar tunji qétim parlamént saylimida awaz berdi

Misirliqlar 2011-yili 28-noyabir küni hakimiyetni eskerlerning qolidin élip xelqning qoligha ötküzüsh yolida tunji qétim erkin nepes bilen parlamént saylimida awaz bérish pa'aliyitige aktipliq bilen qatnashti.
Ixtiyariy muxbirimiz ömerjan
2011-11-29
Share
misir-saylam-305.jpg Misirdiki saylamning ikkinchi küni chüshken awazlarni sanimaqta. 2011-Yili 29-noyabir, misir.
AFP

Awaz bérish pa'aliyiti misirning qahire, feyyum, oqsur, porse'id, dumyat. Iskenderiye, kefrusheyx, asyut we qizil déngiz qatarliq 9 chong wilayitide ötküzüldi. Nöwettiki saylam misirda yüz bergen 25-yanwar namayishining méwisi hésablinidiken. Saylamgha qatnashqanlarning sani 17 milyon etrapida mölcherlenmekte iken. Bu saylamgha misli körülmigen derijide köp adem ishtirak qilghan.

Misirliqlar démokratiye köwrükide

Se'udi erebistanda chiqidighan“El weten”gézitining2011-yili29-noyabir sanida,“Misirliqlar démokratiye köwrükide” dégen témida bir maqale élan qilin'ghan bolup, uningda mundaq dep yézilghan: “Misirda sabiq re'is mubarekning 30 yilliq diktatorliqigha xatime bérilgendin kéyin, démokratik saylam élip bérish we hökümet organlirigha xelq yaqturidighan mes'ullarni tallap chiqirish hemme kishining telipi bolup kelgen idi. Mana emdi misir xelqi arzusini emelge ashurush yolida awaz bérish sanduqlirigha tolup tashqan xushalliq we zor hayajan bilen bérishti. Bu yil 11-féwral küni misirliqlar sabiq re'is mubarekni texttin chüshürgen bolsimu, hakimiyet hazirghiche misir herbiy qomandanliqining qolida bolup kelgen idi. Misirliqlar hakimiyetni xelqning qoligha yötkesh yolida hemme pirqe we hemme mezhep birleshken halda saylam meydanigha kirdi. Misir xelqi ereb baharini qozghash arqiliq barche ereb dunyasini uyqusidin oyghatqinidek, erkin saylam élip bérish ishidimu ülge yaratmaqta. Misirliqlarning bu ghelibisi rastinila qutlinishqa erziydu. Emma misir xelqi bu ghelibige asanliq bilen érishkini yoq. Ular bu yolda qurbanlar berdi. Tughqanliridin, yéqinliridin we bezisi a'ile ezaliridin ayrildi. Shunga misirliqlar érishish aldida turghan bu démokratiye qimmetlik démokratiyidur.”

Misirliqlar hayajan'gha chömdi

Londonda chiqidighan “Ottura sherq” gézitidimu misirdiki saylam üchün orun bérilgen bolup, uningda mundaq dep yézilghan: “Misirning qahire shehiridin muhemmed ejem dégen kishining xewirige asaslan'ghanda, misirda ötküzülgen nöwettiki parlamént saylimi misli körülmigen derijide hayajanliq ötken. Misir téléwiziyisi ‛xelq tallaydu‚ dégen sho'ar astida saylam jeryanini neq meydan körsitip turghan. Misirda qéri, yash, er, ayal hemmisi saylamda awaz bergen.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet