Мюнхенда намайиш

Бүгүн 8 - айниң 8 ‏ - күни д у қ ниң орунлаштуруши, яврупа шәрқий түркистан бирлики вә шәрқий түркистан информатсиюн мәркизиниң һәмкарлиқида, германийиниң мюнхен шәһридә олимпиккә қарши кәң көләмлик намайиш елип берилди.
Мухбиримиз әкрәм хәвири
2008.08.08
Share on WhatsApp
Share on WhatsApp
Girmaniye-namayish1-305 8 - Айниң 8 ‏ - күни, германийиниң мйунхен шәһридә олимпиккә қарши елип берилған намайиштин бир көрүнүш.
RFA Photo / Ekrem
 Бу қетимқи намайишқа йүзлигән уйғур әр ‏ - аяллири вә яш‏ - өсмүрлири қатнашқандин сирт, хәлқара кишилик һоқуқ тәшкилатлириниң мәсуллири вә яврупа бирлики ташқи ишлар комитетиниң вәкилиму қатнашти.

Бу қетимқи намайишта яврупа бирлики ташқи ишлар комитетиниң вәкили брәнд әпәнди яңратқу арқилиқ әтраптики күзәткүчиләргә нутуқ сөзләп, шәрқий түркистандики хитай зулумини аңлатти вә яврупа бирликиниң уйғурлар билән ортақ мәвқәдә туруп, бу қетимқи бейҗиң олимпик мусабиқисини байқут қилғанлиқини изаһлиди.

Д у қ муавин рәиси әсқәрҗан әпәнди, гәрчә олимпикни байқут қилиш әмәлгә ашмиған болсиму, лекин уйғурларни вә уйғурларниң ирадисини инсан һәқлири дунясиға аңлитиштин ибарәт муһим бир ғайиниң әмәлгә ашқанлиқини тәкитлиди.

Д у қ баш катипи долқун әйса әпәнди болса, хитай һөкүмитини агаһландуруп, әгәр уйғурлар үстидики қанлиқ зулумни тохтатмиса, хитай һөкүмити вә хәлқиниң еғир бәдәлләрни төләшкә мәҗбур болидиғанлиқини әскәртти.

Бу қетимқи намайишқа қатнашқан раһилә ханим, уйғурларниң бу күришиниң олимпиккә қарши паалийәтләр биләнла тохтап қалмайдиғанлиқи қайта тәкитлиди.

Намайишчиларниң үстилиригә артивалған ақ кепән билән сиртмақлири вә ай - юлтузлуқ көк байрақлар һәмдә түрлүк лозункилар әтраптики аммини җәлип қилипла қалмай, нурғунлиған мухбирларниң диққитини өзигә тартти.     
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт