'Muhebbetning 10 sherti' Uyghurlarning siyasiy weziyitini dunyagha anglatmaqta

Amérikining kolorado shitatining téllurid shehiride, 28 ‏- maydin 31 ‏- mayghiche 4 kün dawamlashqan xelq'araliq tagh kino féstiwalida, Uyghur milliy herikitining rehbiri rabiye qadir xanimning hayati heqqide teswirlen'gen höjjetlik filim, mukapatlinishqa tégishlik 10 chong filim namzati qatarigha kirgüzüldi.
Muxbirimiz eqide
2010.05.31
Share on WhatsApp
Share on WhatsApp
Rabiye-xanim-Muhebbetning-10-sherti-Tagh-festiwalida-305.jpg Süret, 'muhebbetning 10 sherti' ning tagh féstiwali guruhi tor bétide tonushturulghan körünüsh.
www.mountainfilm.org Din élindi.

Féstiwalgha qatnashqan rabiye qadir xanimning qizi rahile xanim we amérika Uyghur ayalliri komitétining bashliqi zubeyre xanimlar bizni féstiwal heqqide tepsiliy uchurlar bilen teminlidi.

Anisi rabiye qadir xanimgha wakaliten, Meshhur xelq'araliq tagh filim féstiwaligha Qatnashqan rahile xanim, "Muhebbetning 10 sherti" namliq höjjetlik filimning, féstiwalda körsitilgendin kéyin küchlük tesir qozghighanliqidin intayin hayajanlan'ghan idi. Rahile xanim sözide yene, hetta filimni körgen 6 yashliq bir kichik balining, "séning iniliringning türmidin chiqishigha yene qanchilik waqit qaldi" dep sorap ketkenlikini, uning anisi oghlining bek hayajanlinip ketmesliki üchün, uni derhal élip ketkenlikini éytip berdi.

Bash shitabi amérikining kolorado shitatining téllurid shehirige jaylashqan "tagh filim féstiwali" guruhi 32 ‏- yiligha qedem qoyghan meshhur bir féstiwal guruhi hésablinidu. Féstiwalni teshkilligüchi kino burnis ependi, féstiwal ötküzülüshtin burun, mezkur féstiwalgha peqet dunyadiki diqqet qilishqa tégishlik weqe we shexslerge a'it ishlen'gen ehmiyetlik filimlerning qatnashturulidighanliqini bildürgen idi.

Heqiqeten, féstiwalda alahide weqe we perqliq sergüzeshtiler bayan qilin'ghan filimler körsitilgen bolup, amérika Uyghur ayalliri komitétining bashliqi zubeyre xanim neq meydandin féstiwal pa'aliyetlirini tonushturdi.

4 Künlük féstiwal jeryanida, rahile we zubeyre xanimlar muxbirlarning ziyaritini qobul qilghandin sirt, filim tamashibinlirining so'allirigha jawab bergen. Filimni körgüchiler rahile xanimni tonuwalghan we "biz sini hazir kinoda körduq, séning anang néme dégen güzel, néme dégen jasaretlik bir ayal" dep rabiye qadir xanimni teripleshken.

Bu qétimqi filim féstiwaligha qatnishish pursitide, filimni toluq körüp chiqqanliqini bildürgen rahile xanim, " men filimni körüp hemmidin waz kechtim, wetinim, millitim üchün xizmet qilish méning eng ulughwar ghayemge aylandi" dédi.

Féstiwal dawamida, rabiye qadir xanim heqqidiki "ejderha bilen élishqan ayal" namliq kitab pütünley sétilip bolghan bolup, kitabxana igisi rahile xanimgha nechche mingdin artuq kitabning sétilip ketkenlikini, kitabni téximu köp ekelmigenlikidin qattiq pushayman qilghanliqini éytqan.

Rahile xanim sözide yene "muhebbetning 10 sherti" namliq filim VCD si bilen "ejderha bilen élishqan ayal" namliq kitabni her bir Uyghur a'ilisining sétiwélishi kéreklikini bildürdi.

"Muhebbetning 10 sherti" namliq höjjetlik filim 2009 ‏- yili tunji qétim awstraliyide ötküzülgen mélburn xelq'ara filim féstiwaligha qatnashturulghandin kéyin, bu yil teywende ötküzülgen filim féstiwalida, gollandiyidiki "ehmiyetlik filimler" xelq'ara féstiwallirida körsitilgendin sirt, amérika dölet mejliside amérika we yawrupa parlamént ezalirigha körsitildi we yuqiri bahagha érishti.

17 Dölette körsitilgen bu filim, dunya ehlining Uyghurlarning nöwettiki siyasiy weziyitini tonushida, intayin muhim rol oynimaqta.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.