نامايىشقا يىتەكچىلىك قىلىۋاتقان د ئۇ ق مۇئاۋىن رەئىسى ئەسقەرجان ئەپەندى نەق مەيداندا زىيارىتىمىزنى قوبۇل قىلىپ، بۇ قېتىمقى نامايىش توغرىسىدىكى قاراشلىرىنى ئوتتۇرىغا قويۇپ ئۆتتى.
د ئۇ ق تەپتىشلىرىدىن نۇرمەمەت روزاخۇن ئەپەندى، بۇ قېتىمقى نامايىشنىڭ مەقسىدى ھەققىدە توختالدى. د ئۇ ق دىنىي ئىشلار كومىتېتىنىڭ رەئىسى تۇرغۇنجان ئالاۋۇدۇن ئەپەندىمۇ ئۆز قەلب ئىزھارىنى بايان قىلدى.
نامايىشچىلار قوللىرىدا ئاي - يۇلتۇزلۇق كۆكبايراقنى كۆتۈرگەن، خىتاي زۇلۇمى تەسۋىرلەڭەن تۈرلۈك لوزۇنكىلار ھەم رەسىم تاختايلىرىنى مەيدانغا يايغان، تەشۋىقات ۋەرەقچىلىرىنى تارقاتقان ھالدا، نامايىشلىرىنى سائەت 14:00 تىن 16:00 گىچە داۋام قىلدى.
12 - ئاينىڭ 10 - كۈنى خەلقئارا ئىنسان ھەقلىرى كۈنى مۇناسىۋىتى بىلەن گېرمانىيىنىڭ ميۇنخېن شەھرىدە ئۆتكۈزۈلگەن نامايىش خەۋىرىنى دىققىتىڭلارغا سۇندۇق.