Xitay hökümiti aliy mektepler muqimliqidin endishe qilmaqta
2004.11.16
Xitay hökümet axbaratliridin ashkarilinishiche, xitay kommunistik partiye merkizi hökümiti nöwette aliy mekteplerning siyasiy muqimliqidin endishe tuyuwatqan bolup, yéqinda échilghan xitay merkizi hökümitining 13 - qétimliq partiye qurulush yighinida, xitay ichidiki her qaysi aliy mekteplerde oqughuchilargha nisbeten idi'ologiye sahesi boyiche terbiye qurulushini yaxshi élip bérish otturgha qoyulghan.
Buninggha masliship, Uyghur aptonum rayoni partkomining mu'awin sékritari nur bekri mexsus söz qilip, hazirqi siyasiy weziyetni yaxshi tonup, her qaysi aliy mekteplerde qanunsiz diniy pa'aliyetlerge qattiq qarshi turup, üch xil küchlerge qarshi turush terbiyisini kücheytip, milliy bölgünchilik idiyilirige zerbe bérish, bu arqiliq Uyghur élining tereqqiyati we muqimliqini qoghdash kéreklikini qattiq tekitlep, "aliy mekteplerning muqimliqi Uyghur élining muqimliqi bilen zich munasiwetlik" dep körsetken.
Xitay hökümitining ma'arip saheside shundaqla aliy mekteplerde muqimliqni saqlashta hoshyarliqni kücheytishni milliy bölgünchilikke qarshi turushni eng asasliq xizmet süpitide qayta tekitlishi, chet'ellerdiki Uyghur ziyaliyliri we siyasiy pa'aliyetchiliride her xil pikir éqimlirini peyda qiliwatqan bolup, ular xitay hökümitining muqimliqqa bolghan bu xil hoshyarliq heriketliri, xitay ichi shundaqla Uyghur élining muqimsiz halette ikenlikidin bisharet béridu dep qarimaqta.
Bu heqte biz dunya Uyghur qurultiyi bayanatchisi dilshat rishit bilen söhbette bolduq. (Gülchéhre)
Munasiwetlik maqalilar
- Uyghur mektepliride muzika derslirimu xitayche ötülmekte
- Xitay hökümiti diniy pa'aliyetlerge qaratqan kontrolluqini kücheymekte
- Xitay hökümiti Uyghurlarning hej pa'aliyitini cheklimekte
- Kanadadiki Uyghurlar ramizan éyi munasiwiti bilen yighilish ötküzdi
- Türkiyidiki Uyghurlar ramzan éyida bir – birige méhri muhebbet körsetmekte
- "Üchte ayrilalmasliq" milletler ittipaqliqi terbiyisi Uyghur élide yene qaytilanmaqta
- Uyghur élidiki ishsizliq krizisi eng yuqiri pellige chiqmaqta
- Ghaljap yézisidiki Uyghurlarning ötmüshi we haziri
- Amérika tashqi ishlar ministirliqi xitaydiki diniy erkinlik heqqide doklat élan qildi