Нәнҗиндә йүз бәргән чоң партлаш ишчилар қаидигә хилап мәшхулат қилғанлиқтин болғанму?

Сүрәттә нәнҗиң пластик завати партилишидин бир көрүнүш

Шинхуа агентлиқи7 - айниң 28 - күни енглиз тилида, нәнҗин пластик завутида әтигән саәт 10 да партлаш йүз бәрди, ишчилар қаидигә хилап мәшхулат қилғанлиқтин келип чиққан бу вәқәдә 6 адәм өлди, 300 адәм яриланди дәп хәвәр қилди. Хитай мәркизи телевизийә истансисиму бирләшмә хәвиридә, нәнҗиндә учтумтут йүз бәргән партлашта 12 адәм өлди, көп адәм яриланди, дәп хәвәр қилди.

Партлаш пиластик завутиға улинидиған турубидин еқип кәткән пропелға от тутушқандин кейин йүз бәргән

Шуниңдин кейинла, нәнҗиндики һазирқи заман тез гезити бу вәқә һәққидә тәпсилий хәвәр елан қилди. Униңда баян қилинишичә, сабиқ нәнҗин вәнхочав пиластик завутиға қарашлиқ 4 - завутниң җинлиң нефт - хемийә завутиға улинидиған турубидин еқип кәткән пропелға от тутушқандин кейин шиддәтлик партлаш йүз берип, бирақла икки километир арилиқта янғин көтүрүлгән. Нәнҗин чаңҗяң дәрясидики иккинчи чоң көврүккә тутишидиған шиша кочисида бир балилар бағчиси, бир башланғуч мәктәп вә бир коча аптобуси вәйран болған. Әтрапни чала көйгән газ һеди қаплап кәткән. Қатнаш тохтиған.

Нәнҗинниң шәһәр мәркизидики биналарму селкинп кәткән, кочиларда патпарақчилиқ башланған. Тәрәп - тәрәптин от өчүрүш аптомобиллири келишкә башлиған. Нәнҗин шәһиридики 8 чоң дохторханиниң һәммиси яридарларни қобул қилишқа башлиған.

Хитай дөләт ичигә бу һәқтә хәвәр беришни тохтатқан болсиму, әмма чәтәлләр бу вәқәни давамлиқ ашкарилаватиду

Германийә авази радиосиниң баян қилишичә, нәнҗин шәһәрлик телевизийә истансиси нәқ мәйдандин көрүнүш вә аңлитиш бериип, яриланған кишиләрдин һазирға қәдәр 76 адәм өлүп болди, дәп баян қиливатқанда, нәнҗин шәһәрлик парткомдин җиддий буйруқ кәлгән, телевизийә сегналлири үзүлгән. Шуниңдин кейин, хитайниң бәш чоң учур вастиси бу һәқтә дөләт ичигә хәвәр беришни тохтатқан. Әмма һазир хоңкоң учур вастилири вә башқа чәтәл учур вастилири бу вәқәни давамлиқ ашкарилаватиду.

яриланған кишиләрдин 259 адәм өлүп болған

Хоңкоң учур вастилириниң баян қилишичә, 29 - ийол күни, өзини нәнҗинлик дәп атиған бир киши яху интернет торидики тивитер арқилиқ, һазир хитай һөкүмити нәнҗиндә йүз бәргән партлаш вәқәсини мәқсәтлик һалда юшуруватиду, 5 - айда йүз бәргән партлаш вәқәсиниму хәлқтин юшуруп қалған иди дәп наразилиқ билдүргән. Мәлум бир мәхпий органниң хадими, бу вәқәдә яриланған кишиләрдин 259 адәм өлүп болди, дәп хәвәр қилған.

Хәвәр беришни тохтитиш буйруқини җяңсу өлкилик партком секритари чүшүргән

Мәркизи агентлиқи бүгүн, нәнҗин шәһәрлик телевизийә истансисиға нәқ мәйдандин көрүнүш вә хәвәр беришни дәрһал тохтитиш һәққидә буйруқ чүшүргән вә бу программини орунлаватқан мухбирниң исмини сорап тәһдит салған әрбаб дәл җяңсу өлкилик партком секритари ляң бавхуа икәнликини ашкарилиди.

Франсийә учур вастилириниң уқушичә, өлгән адәм сани 400 дин ашқан

Франсийә учур вастилири җуңго яшлар гезити арқилиқ нәнҗин пиластик завутида йүз бәргән партлашта өлгән адәм сани 400 дин ашқанлиқини, яриланғанларниң сани 500 дин ашқанлиқини ениқлиған.

Хитайға нәзәр тор гезити ниң хоңкоң учурлиридин нәқил елип баян қилишичә, нәнҗин гулу кочисидики дохторханиниң башлиқи көйүк бөлүминиң хадимлириға, өлгән адәмләрни үч күндин кейин елан қилиш, әмма пиластик завутида йүз бәргән партлаш вәқәсидә яриланған 90 адәмниң из - дерикини қилған кишиләргә һазир қан бериливатиду дәп җаваб беришни тапилиған.

Нәнҗиндики партлаш вәқәсини дөләт пуқралири ашкара тәкшүрүп ениқлаш керәк

Хәвәрдә баян қилинишичә, хитайдики мәшһур сәнәткарлар һазир, нәнҗин пиластик завутида йүз бәргән партлаш вәқәсини дөләт пуқралири ашкара тәкшүрүп ениқлаш тәшәббусини оттуриға қойған, бу тәшәббус һазир интернеттә, тордашлар ара қизғин алқишқа еришмәктә.

юқиридики улиништин бу прогирамминиң тәпсилатини аңлиғайсиләр.