Түркийиниң нәвшәһир шәһиридә түрк инсан һәқлири йиғини откөзүлмәктә
2010.12.10
12 - Айниң 10 - күни түрк дуняси инсан һәқлири йиғиниға кәлгән вәкилләрни түркийә нәвшәһир валиси осман айдıн әпәнди қобул қилди.
Йиғинни түрк дуняси инсан һәқлири тәшкилати билән нәвшәһир шәһәрлик һөкүмәт бирликтә өткүзгән болуп, йиғинға ирақ түркмәнлири, ағиска түрклири, әзәрбәйҗан, қирғизистан, макидоня, татаристан вә уйғурлардин инсан һәқлири паалийәтчилири, нәвшәһир валиси осман айдин, оргүп районлуқ һөкүмәтниң башлиқи фаһри йилдиз қатарлиқ кишиләр қатнашқан болуп, мухбиримиз уларни зиярәт қилип, улар билән сөһбәт өткүзди.
Йиғинни уюштурғучилар, инсан һәқлири паалийәтчилиридин тәркиб тапқан бу һәйәтни, оргүп хәвпсизлик идариси вә нәвшәһир түрмисини зиярәт қилдуруп түркийә инсан һәқлири әһвали һәққидә мәлумат бәрди.
Йиғинниң 2-күни йәни 12-айниң 11-күни, түрк дунясиниң һәрқайси җайлиридин кәлгән инсан һәқлири паалийәтчилири өз дөлитидики инсан һәқлири вәзийити һәққидә доклат бәрмәкчи.
Уйғурларға вакалитән шәрқий түркистан мәдәнийәт вә һәмкарлиқ җәмийити әнқәрә шөбисиниң рәиси хәйруллаһ әфәндигил әпәнди йиғинда доклат бәрмәкчи.
Йиғин һәққидә тәпсилий мәлумат илиш үчүн әнқәрәдин әркин таримниң нәқ мәйдандин әвәткән программисини радио кунупкисини бесиш арқилиқ аңлиғайсиләр.
Көп көрүлгән хәвәрләр
RFA
- Йүннән тоңхәй сақчи хадими: “мәсчит вәқәсигә четишлиқ кишиләр өзини мәлум қилса кәңчиликкә еришиду”
- Долқун әйса билән хитай баш әлчиси оттурисидики кәскин тартишма биразилийә мәтбуатлиридин орун алған
- Түркийә президент сайлимида рәҗәп таййп әрдоған утти
- Нури түркәл: “бу ирқий қирғинчилиқни тохтитиш американиң иқтисади вә хәвпсизликини қоғдаш үчүнму муһим”
- Фирансийә парламентида “уйғур мәҗбурий әмгикигә четишлиқ мәһсулатларни чәкләш қарар лайиһәси” мақуллуқтин өтти