Nobél we rafto kishilik hoquq mukapat sahibliri osloda jem boldi

Nobél tinchliq komitéti bilen rafto kishilik hoquq jem'iyitining birlikte teshkillishi arqisida nobél we rafto kishilik hoquq mukapatigha érishken iranliq shérin abadi, rafto mukapatigha érishküchilerdin Uyghur milliy herikitining yétekchisi rabiye qadir xanim, ezerbeyjanliq malaha wasibowa we yawropa kéngishining shimal-jenub mukapatigha érishken tunisliq so'uhyr belhassen qatarliqlar 14-yanwar küni norwégiyining paytexti oslo shehirige jem boldi.

RFA/Aygül Yüsüp

Bu qétimqi uchrishishning meqsiti musulman ayallirining heq-hoquqliri, iqtisadi ehwali, erkinliki, ularning démokratiye we jem'iyet tereqqiyatidiki orni, saghlamliq mesilisi, ma'arip we terbiyilinishi qatarliq mesililerde muhakime élip bérish we kéyinki qétimliq yighin üchün teyyarliq qilishtin ibaret bolup, aliy mukapat sahibliri bolghan bu töt xanimning pikir-telepliri, doklatliri yighin jeryanida muhim küntertipke qoyulghan.

Rabiye xanim ziyaritimizni qobul qilip bu pa'aliyetler heqqide munularni bildürüp ötti.

Rabiye qadir xanim muxbirimizgha, sherqiy türkistanda zulum chékiwatqan Uyghur ayalliri, qizliri we balilar heqqide yighin ehlige némilerni bildürgenlikini bayan qilip ötti.

Bu qétimqi yighin'gha yene nobél komitétining ezaliri, rafto kishilik hoquq jem'iyitining bashliqi we norwégiyidiki bashqa kishilik hoquq organlirining xadimlirimu qatnashti.

15-Yanwar küni chüshte, rabiye qadir xanim bilen ömer qanat ependi norwégiyidiki pa'aliyitini axirlashturup qaytti.