نامايىش ئوسلودىكى خىتاي ئەلچىخانىسىنىڭ ئالدىدا ئېلىپ بېرىلدى. نامايىش غەزەپلىك توۋلانغان شوئار ساداسى ئىچىدە باشلاندى.نورۋېگىيە ئۇيغۇر كومىتېتىنىڭ رەئىسى پەرھات ياقۇپ ئەپەندى باشلىنىش سۆزى سۆزلىدى.
جامائەت ۋەكىللىرىدىن ئۆمەر ھاجىم نامايىشچى ئاممىغا نۇتۇق سۆزلىدى.
بېرگېن شەھىرىدىن كەلگەن نورۋېگىيە ئۇيغۇر كومىتېتىنىڭ سابىق رەئىسى ئابدۇكېرىم ئارىلىقنىڭ يىراق بولۇشىغا قارىماي نامايىشقا قاتنىشىش ئۈچۈن كەلگەنلىكى ھەققىدە توختالدى.
يىراق شەھەر شىئەندىن كەلگەن ئەركىن ئەپەندى زىيارىتىمىزنى قوبۇل قىلدى.تۇرغۇنجان موللاممۇ نامايىشچىلارغا نۇتۇق سۆزلىدى.
بۈگۈنكى نامايىشتا ئالاھىدە بولغىنى، نامايىشچى ئۇيغۇرلار خىتاي ئەلچىخانىسىنىڭ ئالدىدا شەرقىي تۈركىستان ئىستىقلال مارشىنى ئوقۇدى.
قوللىرىدا ئاي-يۇلتۇزلۇق كۆك بايراق، لوزۇنكا ۋە پلاكاتلارنى كۆتۈرگەن نامايىشچىلار قوشۇنى بىر سائەتتىن ئارتۇق داۋاملاشقان نامايىش پائالىيىتى جەريانىدا خىتايغا قارشى ئۇيغۇرچە، نورۋېگچە ۋە ۋە خىتايچە تۈرلۈك شوئارلارنى غەزەپ بىلەن توۋلاپ نامايىشنى ئاخىرلاشتۇردى.
تەپسىلاتىنى يۇقىرىدىكى ئاۋاز ئۇلىنىشىدىن ئاڭلىغايسىلەر.