Rabiye qadir xanim xizmet ziyariti üchün norwégiyige yétip keldi

Bügün etigen d u q re'isi rabiye qadir xanim bilen d u q ning yawropa ittipaqida turushluq wekili memet toxti ependi xizmet ziyariti üchün norwégiyining bergin shehirige yitip keldi.
Ixtiyariy muxbirimiz aygül yüsüp
2011-10-31
Share
norwegiye-rabiye-ziyaret2-305.jpg Norwégiye Uyghur jama'iti we rabiye qadir xanim heqqide filim ishlimekchi bolghan norwégiyilikler rabiye qadir xanimni qizghin kütüwaldi. 2011-Yili 31-öktebir.
RFA/Aygul Yusup

Rafto kishilik hoquq jem'iyitining bir qisim ezaliri dunya Uyghur qurultiyining mu'awin re'isi semet abla we norwégiye Uyghur komitétining bergin shehiride turushluq mu'awin re'isliridin abdukérim yétekchilikidiki Uyghur jama'iti shundaqla rabiye qadir xanim heqqide filim ishlimekchi bolghan filim ishligüchiler ayrodromgha chiqip méhmanlarni kütüwaldi.

norwegiye-rabiye-ziyaret1-385.jpg
D u q re'isi rabiye qadir xanim bilen d u q ning yawropa ittipaqida turushluq wekili memet toxti ependi xizmet ziyariti üchün norwégiyining bergin shehirige yitip keldi. 2011-Yili 31-öktebir.
RFA/Aygul Yusup

Rafto kishilik hoquq jem'iyitining sabiq bashliqi arne lynga'ard ependi muxbirning sorighan so'aligha jawab bérip mundaq dédi:
"Bu yil rafto kishilik hoquq jem'iyitining qurulghanliqigha 25 yil boldi. Biz mushu munasiwet bilen ilgiri rafto kishilik hoquq mukapatigha érishken kishilik hoquq küreshchilirini teklip qilduq, bular jem'iy 15 dölettin keldi. Biz bu pa'aliyetni bir hepte élip barmaqchi. Bizning bir hepte pa'aliyet élip bérishimizdiki meqsitimiz her qaysi dölettin kelgen qimmetlik méhmanlar arisida öz-ara munasiwet tori shekillendürüsh, ularni öz ‏-ara tonushturush, öz ‏- ara tejribe almashturush, qandaq qilip yer shari miqyasida kishilik hoquq xizmitini yaxshi ishligili bolidighanliqigha a'it istratégiyini muzakire qilish hem shundaqla mezkur jem'iyetning 25 yilliq xizmet tarixi jeryanini méhmanlargha sözlep ötüshtin ibaret."

norwegiye-rabiye-ziyaret3-385.jpg
Norwégiye Uyghur jama'iti we rabiye qadir xanim heqqide filim ishlimekchi bolghan norwégiyilikler rabiye qadir xanimni qizghin kütüwaldi. 2011-Yili 31-öktebir.
RFA/Aygul Yusup

Arne lynga'ard ependi yene mundaq dédi:
"Bu qétim rabiye qadir bizning alahide sherep méhminimiz bolup hésablinidu. Biz özimizni her qachan sherqiy türkistan we Uyghurlarning yéqin dosti dep hésablaymiz, shu sewebtin biz rabiye qadir xanimgha rafto kishilik hoquq mukapati bergendin tartip ta hazirghiche qolimizdin kelgen emeliy pa'aliyetlirimiz arqiliq sherqiy türkistan dawasini qollap kelduq. Rabiye qadir xanim bu bir hepte jeryanida méhmanlargha sherqiy türkistanning ehwali heqqide köplep melumat yetküzidu."

Norwégiye rafto kishilik hoquq jem'iyitini qurulghanliqining 25 yilliq xatire pa'aliyiti bir hepte dawamlishidighan bolup, memet toxti we semet abla ependiler rabiye qadir xanimgha hemrah bolup bu xatirilesh murasimigha qatnishidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet