Norwégiyining gjöwik shehiride jumhuriyet küni xatirilendi
2012.11.19
Norwégiye Uyghur komitétining re'isi perhat yaqup ependi ikki jumhuriyetni xatirilesh küni söz qildi. 2012-Yili 12-noyabir.
Bolupmu, bu künde her bir Uyghur a'iliside ay yultuzluq kök bayraq chiqirishni untumasliq bu sheherdiki Uyghurlarning ésil adetlirining birige aylan'ghan.
Norwégiye Uyghur komitétining orunlashturushi bilen 17-noyabir küni gjöwik shehiride ötküzülgen ikki jumhuriyetni xatirilesh künige Uyghurlar we chet'ellik méhmanlardin atmishtin artuq kishi qatnashqan bolup, istiqlal marshini orunlash, nutuq sözlesh, jumhuriyet xatirisi üchün teyyarlan'ghan sen'et nomurlirini körsitish, we en'eniwi yémek-ichmek medeniyitini körgezme qilish qatarliq köp xil pa'aliyetler orunlan'ghan.
Norwégiye Uyghur komitétining re'isi perhat yaqup ependi ziyaritimizni qobul qilip, ikki jumhuriyet xatire künini ötküzüsh üchün yéqindin hemkarlashqan gjöwik shehiridiki Uyghurlargha, ariliqni yiraq körmey kelgen méhmanlargha, pa'aliyet üchün sen'et nomurlirini xalisane teyyarlap kelgen artislargha öz rehmitini bildürdi we pa'aliyet heqqide toxtaldi.
Göwik shehiride olturushluq patime xanimmu ziyaritimizni qobul qilip özining shu taptiki hayajanlirini ipade qildi.
Ikki jumhuriyet xatire künide norwégiye Uyghur islam merkizidimu shéhitlerning rohigha atap qur'an tilawiti we du'alar qilin'ghan idi.
Köp körülgen xewerler
RFA
- Nuri türkel: “Amérikaning anamni ekélishini Uyghurlargha körsitiwatqan ghemxorluqining ipadisi, dep qaraymen”
- Istanbulda “Uyghur mehellisi” qurulushining pütüp chiqishi munasiwiti bilen échilish murasimi ötküzüldi
- Toronto uniwérsitéti doklati: “Uyghur ayal kishilik hoquq qoghdighuchiliri we zhurnalistlar xitayning misli körülmigen basturushigha uchrighan”
- “Uyghur sen'et körgezmisi” ge yandashqan Uyghur qirghinchiliqi muhakime yighini bashlandi
- Nuri türkelning anisi amérika hökümitining yardimide washin'gton'gha yétip keldi