Oslodiki tunji Uyghurche wiwiska

10 - Noyabir kuni norwégiyining paytexti oslo shehiride Uyghur we norwég yéziqida teyyarlan'ghan “Uyghur islam medeniyet merkizi” dégen körkem wiwiska meschitning ishik béshigha ésildi. Bu norwégiyidiki Uyghurlar teripidin ésilghan tunji Uyghurche wiwiska bolup hésablinidu.
Ixtiyari muxbirimiz aygül
2012.11.16
norwigiye-uyghur-islam-merkizi-305.png Norwégiyining paytexti oslo shehiridiki Uyghur islam medeniyet merkizi
RFA/Aygul


Osloda Uyghur meschitining échilghanliq xewiri erkin asiya radi'osida élan qilin'ghandin kéyin, dunyaning herqaysi jaylirida yashawatqan Uyghurlar téléfon, élxet we intérnét sehipiliri arqiliq özlirining söyünüshini izhar qilishti we hemmeylen bu xeyrlik ishni tebriklidi. Shuningdek yawropa elliride kam uchraydighan, meschit qurush üchun dölet özi iqtisad bilen temin étidighan bu alahide ehwalgha qarita qiziqishlirini bildürüp,meschitning qurulush jeryani we bundin kéyinki ish pilanliri heqide türlük so'allarni soridi.

 Uyghur islam medeniyet merkizining ichidin bir körünüsh
Uyghur islam medeniyet merkizining ichidin bir körünüsh

Biz bu heqtiki so'allargha jawab élish we köpchilik bilen ortaqlishish üchün, Uyghur meschitining idare orgini bolghan “Uyghur islam medeniyet merkizi”ning qanuniy wakaletchisi semet abla ependini ziyaret qilduq.

Semet abla ependi norwégiyidiki Uyghurlar üchün bir meschitning zörürlüki, Uyghur islam medeniyet merkizining qurulushi jeryanida ishlen'gen xizmetler heqqide toxtaldi hemde axirida norwégiyidiki ikki uyushma heqqide izahat bérip ötti.

Ziyaliy erkin ependi ziyaritimizni qobul qilip norwégiye hökümitining Uyghur qatarliq musulman milletlirige qaratqan diniy siyasitidin intayin söyün'genlikini, Uyghurlarning buning üchun köp teshekkur bildürüshi kéreklikini sözlep ötti. U yene bu jamening qurulushi üchün köp küch chiqarghan qérindashlargha barikalla éytti we rehmitini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.