Norwégiyidiki Uyghurlar b d t künini xatirilidi

Her yili 24 ‏- öktebirde norwégiyining her qaysi jayliridiki kishiler b d t küni munasiwiti bilen insan heqliri,kishilik hoquq we erkinlik témisida türlük shekillerde pa'aliyetlerni ötküzüp bu künni xatirileydu.
Muxbirimiz aygül
2010.10.25
Norwigiye-bdt-kunide-paaliyet-uyghurche-usul-305 Süret, 24 ‏- öktebir, norwégiyidiki uyghurlar b d t küni paaliyitide.
Süretni norwégiye uyghur komitétining reisi perhat yaqup teminligen.
u1025-aygul
Anglash Awazni köchürüsh

Norwégiye Uyghur komitétining re'isi perhat yaqup ependining bayan qilishiche, norwégiyining oplan rayonluq gjöwik kommuna bilen qizil krist jem'iyiti 24 - öktebir küni kechte xatirilesh pa'aliyiti orunlashturghan bolup, norwégiye Uyghur komitétining orunlashturushi bilen bu yilliq xatirilesh pa'aliyitige gjöwik shehiridin we oslo, stawanger qatarliq jaylardin kelgen Uyghur qérindashlarmu qatnashqan.

Pa'aliyetke yene, Uyghurlardin bashqa afriqa, birma we afghanistandin kelgen kishilermu ishtirak qilghan bolup éziliwatqan milletlerni tonushturush pa'aliyetning asasliq mezmuni qilin'ghan.

Bu qétimqi pa'aliyetke norwégiyining dangliq yazghuchisi hans ependimu qatnashqan bolup, u birma we xitay hökümitining nöwettiki siyasi ehwali we bu ikki dölettiki kishilik hoquq we insan heqliri depsendichiliki mesilisi heqqide toxtalghan.

Perhat yaqup ependining melumat bérishiche mezkur pa'aliyetning kün tertipide Uyghurlargha alahide orun bérilgen bolup,pa'aliyet jeryanida Uyghur qérindashlar pursetni ching tutup Uyghurning kimliki heqqide teyyarlighan mexsus témidiki nutuqliri, étip ekelgen temlik Uyghur ta'amliri, yéngidin qurulghan sen'et guruppisi teripidin orundighan ésil naxsha - muzikiliri we milli, en'eniwi kiyim - kéchekliri bilen pa'aliyetke qatnashqan her sahediki norwég we bashqa millet kishilirige Uyghurlar heqqide etrapliq chüshenche bergen we chongqur tesiratlarni qaldurghan.

Dunya Uyghur qurultiyining re'isi rabiye qadir xanim heqqide yézilghan "ejdiha bilen élishqan ayal" namliq eserning in'glizche nusxisi gjöwik sheherlik medeniyet idarisining bashliqigha we yazghuchi hans ependi qatarliq kishilerge teqdim étilgen bolup, ular bu kitab heqqide anglighan bolsimu, lékin hazirghiche körüsh pursitige érishelmigenlikini ipade qiliship kitab sowgha qilghan norwégiye Uyghur komitétining rehberlirige chongqur teshekkürlirini bildürgen.

Bu qétimqi b d t künini xatirilesh pa'aliyitige Uyghur we bashqa milletlerdin ikki yüzge yéqin kishiler qatnashqan bolup pa'aliyet dostluq, inaqliq we Uyghurlargha yangritilghan alqishlar ichide ghelibilik tamamlandi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.